ఫోటో స్టోరి: గుండెల్లో వేడి పెంచే గురు-శిష్య బంధం..!

`లోఫ‌ర్` చిత్రంతో తెలుగు ప్రేక్ష‌కుల‌కు ప‌రిచ‌య‌మైన దిశాప‌టాని ఆ త‌ర్వాత పూర్తిగా హిందీ చిత్రసీమ‌కే అంకిత‌మైంది. తెలుగులో ఆఫ‌ర్లు వ‌చ్చినా దిశా అంగీక‌రించ‌లేదు. తొలి సినిమా స‌రైన స‌క్సెస్ కాక‌పోవ‌డంతో అవ‌కాశాలు రాలేదని ప్ర‌చార‌మైనా ఆ త‌ర్వాత ఓ ఇంట‌ర్వ్యూలో పూరి అది నిజం కాద‌ని ఖండించారు.  కేవ‌లం బాలీవుడ్ పైనే దృష్టి పెట్టి హిందీ సినిమాలు చేస్తోందని తెలిపారు. ప్ర‌స్తుతం అక్క‌డ బిగ్ స్టార్స్ చిత్రాల్లోనే న‌టిస్తోంది. `రాధే` ఇటీవ‌లే రిలీజైంది.. ఇందులో దిశా అందాల ట్రీట్ మంత్ర‌ముగ్ధం చేసింది. `కె.టీనా`- `ఏక్ విల‌న్ రిట‌ర్స్న్` చిత్రాల్లోనూ దిశా న‌టిస్తోంది.

దిశాలో ఫ్లెక్సిబుల్ ప‌ర్స‌నాలిటీ త‌న స్టార్ డ‌మ్ ని మ‌రో లెవ‌ల్ కి తీసుకెళుతోంద‌ని చెప్పాలి. ఈ భామ‌ మంచి న‌టి .. అంత‌కు మించి గొప్ప డాన్స‌ర్. బెల్లీ డాన్స్ .. సాల్సా డ్యాన్స్.. హిప్ మూవ్ మెంట్ ల‌తో అద‌ర‌గొడుతుంది.  వెస్ట్ర‌న్ డాన్సులు కొట్టిన పిండి. బాలీవుడ్ లో మంచి డ్యాన్స‌ర్ గానే గాక‌... బాక్సింగ్ మిక్స్ డ్ మార్ష‌ల్ ఆర్ట్స్ నేర్చుకున్న ఏకైక నాయిక‌గా ఓ వెలుగు వెలుగుతోంది. క‌త్రిన త‌ర్వాత మ‌ళ్లీ అంత‌టి ఫ్లెక్సిబిలిటీ దిశాకే సాధ్యం. ఇక ఈ హాట్ బ్యూటీ నృత్యకారిణిగా ఇంత‌గా ఆరి తేర‌డానికి కార‌ణం ఎవ‌రంటే? త‌న‌ గురువు నోరా ఫ‌తేహి శిక్ష‌ణ అని తెలుస్తోంది.

నోరా ఫ‌తేహి బాలీవుడ్ లో సంచ‌ల‌నాల‌ డాన్స‌ర్. ఐటం నెంబ‌ర్ల‌లో అల‌రించ‌డంలో నోరా ప్ర‌త్యేక‌త గురించి చెప్పాల్సిన ప‌నిలేదు. కెన‌డాకి చెందిన నోరా ఫ‌తేహి డ్యాన్సింగ్ ఇనిస్టిట్యూట్ల‌ను ర‌న్ చేస్తున్న సంగ‌తి తెలిసిన‌దే. త‌న వ‌ద్ద శిష్య‌రికంలోనే దిశా ప‌టాని గొప్ప డాన్స‌ర్ అయింద‌ని బాలీవుడ్ లో టాక్. ఈ సంద‌ర్భంగా దిశా ప‌టాని నోరా గొప్ప టీచ‌ర్ గా  భావిస్తూ ఆమెకు కృత‌జ్ఞ‌త‌లు తెలిపింది. అలా ఇద్ద‌రి మ‌ధ్య మంచి ప్రెండ్ షిప్  బాండింగ్ మ‌రింత బ‌ల‌ప‌డింది. ఇన్ స్టా వేదిక‌గా ఇరువురు చాలాసార్లు ఒక‌రిపై ఒక‌రు ప్రేమ ఆప్యాయ‌తానురాగాల‌ను పంచుకున్న ఫోటోలు వైర‌ల్ అయిన సంగ‌తి తెలిసిందే. తాజాగా గురుశిష్య బంధం మ‌రోమారు హాట్ టాపిక్ గా మారింది. ఇక దిశా సోష‌ల్ మీడియా ఫోటోలు అంత‌ర్జాలాన్ని షేక్ చేస్తున్న సంగ‌తి తెలిసిన‌దే.