ప‌వ‌న్ కాన్సెప్ట్ పోస్ట‌ర్ వ‌చ్చేసింది!

ప‌వ‌ర్ స్టార్ ప‌వ‌న్ క‌ల్యాణ్‌ - మాట‌ల మాంత్రికుడు త్రివిక్ర‌మ్ శ్రీ‌నివాస్ కాంబినేష‌న్ లో తెర‌కెక్కిన అత్తారింటికి దారేది చిత్రం టాలీవుడ్ రికార్డుల‌ను తిర‌గ‌రాసింది. దీంతో, వారిద్ద‌రి కాంబినేష‌న్ లో రాబోతున్న సినిమాపై ప్రేక్ష‌కులు భారీ అంచ‌నాలు పెట్టుకున్నారు. ఆ సినిమా షూటింగ్ శ‌ర వేగంగా జ‌రుగుతోంది. కొద్ది రోజుల క్రితం ఈ సినిమాకు సంబంధించిన ఫ‌స్ట్ లుక్ ను ప‌వ‌న్ బ‌ర్త్ డే రోజున విడుద‌ల చేయ‌బోతున్న‌ట్లు చిత్ర యూనిట్ ప్ర‌క‌టించింది. దానికి సంబంధించిన ఓ పోస్ట‌ర్ ను కూడా రిలీజ్ చేసింది. అయితే, ఏమ‌యిందో ఏమో గానీ పోస్ట‌ర్ పెట్టిన కొద్ది సేప‌టికే దానిని తొల‌గించింది. దీంతో, త‌మ‌కు ప‌వ‌న్ బ‌ర్త్ డే గిఫ్ట్ లేన‌ట్లేన‌ని ఫ్యాన్స్ నిరుత్సాహప‌డ్డారు.

అయితే, అనూహ్యంగా ప‌వ‌న్ అభిమానుల‌ను చిత్ర యూనిట్ స‌ర్ ప్రైజ్ చేసింది. రేపు పవన్ క‌ల్యాణ్‌ పుట్టినరోజు సంద‌ర్భంగా ఆ చిత్రం కాన్సెప్ట్ పోస్ట‌ర్ ను కొద్ది సేప‌టి క్రితం విడుద‌ల చేసింది. ‘పీఎస్‌ పీకే#25’ హాష్ ట్యాగ్‌ తో ఆ కాన్సెప్ట్ పోస్ట‌ర్ ట్విట్ట‌ర్ లో హ‌ల్ చ‌ల్ చేస్తోంది. త‌మ సినిమాలో ప‌వ‌న్ గెట‌ప్‌ ఎలా ఉండ‌బోతోందో ఈ  పోస్ట‌ర్ ద్వారా చెప్పే ప్ర‌య‌త్నం చేసింది. ఈ పోస్ట‌ర్‌ లో ప‌వ‌న్ క‌ల్యాణ్ కూర్చొని దీర్ఘంగా ఆలోచిస్తున్న‌ట్లుగా ఉన్నాడు. అదే ఫొటోలో ప‌వ‌న్ న‌డుచుకుంటూ వెళ్తున్న‌ట్టు కనిపిస్తున్నాడు. ఈ సినిమాలో కీర్తి సురేశ్, అనూ ఇమ్మాన్యుయేల్ హీరోయిన్లుగా నటిస్తున్నారు. ఈ సినిమా టైటిల్ ను ఇంకా ఖరారు చేయలేదు. ఇంజ‌నీర్ బాబు అనే టైటిల్ ను చిత్ర యూనిట్ ప‌రిశీలిస్తున్న‌ట్లు తెలుస్తోంది.