అసలే పవన్ కళ్యాణ్ సినిమా ఆడియో వేడుక.. పైగా దానికి ముఖ్య అతిథిగా మెగాస్టార్ చిరంజీవి వచ్చాడు.. ఇక ఈ కార్యక్రమంపై జనాల్లో ఎంత ఆసక్తి ఉంటుందో ప్రత్యేకంగా చెప్పాల్సిన పని ఏముంది? అందుకే ఈ క్రేజ్ ను ఫుల్లుగా వాడేసుకోవడానికి ఎవరి ప్రయత్నాలు వాళ్లు చేశారు. ‘సర్దార్ గబ్బర్ సింగ్’ ఆడియో వేడుకను ప్రత్యక్ష ప్రసారం చేసిన ఎన్ టీవీ ఛానెల్లో ప్రకటనలు పోటెత్తాయి. యాడ్స్ కు భారీ ధర పెట్టినప్పటికీ ఇబ్బడిముబ్బడిగా ప్రకటనలు వచ్చాయి. ఆదివారం రాత్రి కోట్లాదిమంది టీవీలకు అతుక్కుపోవడంతో జనాల దృష్టిని ఆకర్షించడానికి ‘సర్దార్’ ఆడియో వేడుక మధ్యలో భారీగా ప్రకటనలు గుప్పించారు.
ఇందులో నారా రోహిత్-నందమూరి తారకరత్న కాంబినేషన్ లో తెరకెక్కుతున్న కొత్త సినిమా ‘రాజా చెయ్యి వేస్తే’ ఆడియో టీజర్ కూడా ఉండటం విశేషం. ఈ నెల 25న ‘రాజా చెయ్యి వేస్తే’ ఆడియో విజయవాడలోని ఓ స్కూల్లో జరగబోతోంది. ఆంధ్రప్రదేశ్ ముఖ్యమంత్రి చంద్రబాబు నాయుడు - నందమూరి బాలకృష్ణ ఈ వేడుకకు ముఖ్య అతిథులుగా రాబోతున్నారు. ఈ నేపథ్యంలో రోహిత్ - తారకరత్నల లుక్స్ పరిచయం చేస్తూ ఓ స్టైలిష్ టీజర్ రెడీ చేసి.. నిన్న ‘సర్దార్ గబ్బర్ సింగ్’ ఆడియో వేడుక ప్రసారమవుతున్న ఎన్ టీవీ ఛానెల్లో లెక్కలేనన్ని సార్లు ప్రసారం చేయించారు. దానికి జనాల్లో మంచి రెస్పాన్స్ కూడా వచ్చింది. సోషల్ మీడియాలో ఈ టీజర్ గురించి పెద్ద ఎత్తునే చర్చ జరిగింది. వారాహి చలనచిత్రం పతాకంపై సాయి కొర్రపాటి నిర్మిస్తున్న ఈ చిత్రానికి ప్రదీప్ చిలుకూరి దర్శకుడు.
Full View
ఇందులో నారా రోహిత్-నందమూరి తారకరత్న కాంబినేషన్ లో తెరకెక్కుతున్న కొత్త సినిమా ‘రాజా చెయ్యి వేస్తే’ ఆడియో టీజర్ కూడా ఉండటం విశేషం. ఈ నెల 25న ‘రాజా చెయ్యి వేస్తే’ ఆడియో విజయవాడలోని ఓ స్కూల్లో జరగబోతోంది. ఆంధ్రప్రదేశ్ ముఖ్యమంత్రి చంద్రబాబు నాయుడు - నందమూరి బాలకృష్ణ ఈ వేడుకకు ముఖ్య అతిథులుగా రాబోతున్నారు. ఈ నేపథ్యంలో రోహిత్ - తారకరత్నల లుక్స్ పరిచయం చేస్తూ ఓ స్టైలిష్ టీజర్ రెడీ చేసి.. నిన్న ‘సర్దార్ గబ్బర్ సింగ్’ ఆడియో వేడుక ప్రసారమవుతున్న ఎన్ టీవీ ఛానెల్లో లెక్కలేనన్ని సార్లు ప్రసారం చేయించారు. దానికి జనాల్లో మంచి రెస్పాన్స్ కూడా వచ్చింది. సోషల్ మీడియాలో ఈ టీజర్ గురించి పెద్ద ఎత్తునే చర్చ జరిగింది. వారాహి చలనచిత్రం పతాకంపై సాయి కొర్రపాటి నిర్మిస్తున్న ఈ చిత్రానికి ప్రదీప్ చిలుకూరి దర్శకుడు.