శివగామి మరోసారి ఉగ్రరూపమేనా!!

ఎప్పుడైతే ''బాహబులి'' సినిమా హిట్టయ్యిందో.. హీరోయిన్ రమ్య కృష్ణ రేంజ్ మారిపోయింది. అమ్మడు అప్పటివరకు కాసినన్ని పెద్ద పాత్రలు చేసినా కూడా రానంత పేరు.. శివగామి పాత్రతో వచ్చేసింది. ఆమె ఇచ్చిన ఎక్స్ ప్రెషన్లకు ఏకంగా బాలీవుడ్ ఆడియన్స్ కూడా అవాక్కయ్యారు. ఇప్పుడు రెండో పాత్రలు ఆమె విలనీ ఇంకో రేంజులో చూస్తామట.

కర్ణాటక మాజీ ముఖ్యమంత్రి కుమారస్వామి పుత్రరత్నం నిఖిల్ కుమార్ ను ఇప్పుడు ''జాగ్వార్‌'' సినిమా ద్వారా హీరోగా ఒకేసారి తెలుగు - కన్నడ బాషల్లో తెరంగేట్రం చేస్తున్న సంగతి తెలిసిందే. ఈ సినిమా ఆడియో లాంచ్ కు పవన్‌ కళ్యాణ్ ను చీఫ్‌ గెస్టుగా నిన్నే ఆహ్వానించారు కుమారస్వామి. ఇకపోతే ఈ సినిమాలో మన శివగామి మరో పవర్‌ ఫుల్ రోల్ చేస్తోంది. అయితే ఆమె హీరో తల్లిగా చేస్తోందా లేకపోతే విలన్ గా చేస్తోందా అనే విషయం తెలియదు కాని.. ఆమె ఫేస్ బుక్ లో షేర్ చేసిన ఫోటోలు చూస్తే మాత్రం మతిపోయింది. మరోసారి తన ఉగ్రరూపం చూపించేస్తోంది అంతే.

ఇదంతా చూస్తుంటే రమ్య కృష్ణ తన సెకండ్ ఇన్నింగ్స్ లో ఇంకా పీక్ స్టేజీకి చేరుకుంటుందేమో అనే అనిపిస్తోంది కదూ. టాలెంట్ ఉంటే అంతేనండీ.. ఎవ్వరూ ఆపలేరు.