కమల్ హాసన్ లెజండరీ యాక్టర్.. తమిళంలోనే కాదు.. ఈయనకు తెలుగు, హిందీలో కూడా మార్కెట్ ఉంది. ఎన్నో ఏళ్లుగా అన్ని రకాల చిత్రాలు తీస్తూ విశ్వ నటుడిగా పేరు తెచ్చుకున్నాడు. తాజాగా ఆయన సొంతంగా నిర్మాతగా మారి దర్శకత్వం వహించిన చిత్రం ‘విశ్వరూపం2’. ఈ మూవీ తెలుగు - తమిళం - హిందీల్లో రిలీజ్ చేస్తున్నాడు. గురువారం హైదరాబాద్ వచ్చిన కమల్ హాసన్ తెలుగు విశ్వరూపం2 ఆడియోను సాయంత్రం విడుదల చేసేందుకు నిర్ణయించారు.
సినిమా ఆడియో వేడుకలో పాల్గొనాల్సిందిగా టాలీవుడ్ సినీ ప్రముఖులను కలిసే పనిలో కమల్ బిజీగా ఉన్నారు. ఈ సందర్భంగానే హీరో రానా - కమల్ కలుసుకున్నారు. కమల్ తో దిగిన ఫొటోను షేర్ చేసిన రానా దానిపై ఆసక్తికర కామెంట్ పెట్టాడు. ‘ఏడాదిలో నేర్చుకున్నది ఒక్క గంటలోనే నేర్చుకున్నారంటే.. మీరు ఒక గొప్ప వ్యక్తిని కలుసుకున్నట్లే..’ అంటూ ట్వీట్ చేశారు. విశ్వరూపం2 సినిమాలో పూజాకుమార్ - రాహుల్ బోస్ - శేఖర్ కపూర్ - తదితరులు నటిస్తున్నారు. ఆగస్టు 10న తెలుగు - తమిళం - హిందీ భాషల్లో ఈ సినిమాను విడుదల చేయనున్నారు.