ప్రభాస్ అందుకే అమెరికా వెళ్లాడట

టాలీవుడ్ రెబల్ స్టార్ బాహుబలి ప్రభాస్ నెక్స్ట్ సినిమా సాహో ఎప్పుడు వస్తుందా అని ప్రస్తుత దేశమంతటా చాలా మంది సినీ అభిమానులు ఎదురుచూస్తున్నారు. అయితే ప్రభాస్ అందరికి నచ్చేలా ఉండాలని ఏ మాత్రం తొందరపడకుండా చాలా జాగ్రతగా సినిమాను చేస్తున్నాడు. సాహో సినిమాతో ఎలాగైనా హిట్టు కొట్టి తన ఉనికిని స్థిరంగా ఇండియన్ బాక్స్ ఆఫీస్ ముందు నిలబెట్టుకోవాలని చూస్తున్నాడు. అందుకోసం స్పెషల్ గా ఫిట్ నెస్ లో కొన్ని మార్పులను కూడా చేస్తున్నాడు.

నిర్మాతలు కూడా సినిమాను భారీ బడ్జెట్ తో తెరకెక్కిస్తోన్న సంగతి తెలిసిందే. ఇక అసలు విషయానికి వస్తే.. ప్రభాస్ కొన్ని వారల కిందట అమెరికాకు వెళ్లిన సంగతి తెలిసిందే. అక్కడే ఉంటూ ఫిట్ నెస్ పై కొన్ని జాగ్రత్తలు తీసుకుంటున్నాడు. అయితే ప్రభాస్ అక్కడికి వెళ్లడానికి మరొక ముఖ్య కారణం ఉందట. బాహుబలి సినిమా కోసం ప్రభాస్ ఎంతగా కష్టపడ్డాడో అందరికి తెలిసిందే. అయితే ఆ సమయంలో ప్రభాస్ భుజానికి ఒక చిన్న శస్త్రచికిత్స అమెరికాలోనే జరిగింది.

ఇక మళ్లీ ఆ తరహాలో కష్టపడాలి కాబట్టి ముందు జాగ్రత్త కోసం మరికొన్ని పరీక్షల కోసం అక్కడ మరోసారి వైద్యం చేయించుకున్నాడట. అందుకోసమే ప్రభాస్ అక్కడికి వెళ్లాడని తెలుస్తోంది. ఇక ఇప్పుడు ఫిట్ గా ఇండియాకు తీరిగివచ్చి నెక్స్ట్ షెడ్యూల్ కోసం రెబల్ స్టార్ దుబాయ్ వెళ్లనున్నాడు. అక్కడే కొన్ని రోజుల వరకు భారీ యాక్షన్ సీన్స్ ను తెరకెక్కించనున్నారు. సుజీత్ దర్శకత్వం వహిస్తోన్న ఈ సినిమాలో శ్రద్దా కపూర్ హీరోయిన్ నటిస్తోన్న సంగతి తెలిసిందే.