ధర్మా భాయ్ అంటున్న మెగా మేనల్లుడు

మెగా మేనల్లుడు సాయి ధరమ్ తేజ్ కెరీర్ మొదట్లో మంచి విజయాలనే అందుకున్నా కూడా హ్యాట్రిక్ తర్వాత వరుసగా అపజయాలను అందుకుంటున్నాడు. ప్రస్తుతం టాలీవుడ్ లో ఉన్న మెగా హీరోలు ఎవరి స్థాయిలో వారు బాక్స్ ఆఫీస్ హిట్స్ అందుకున్నారు. గత ఏడాది వరకు హిట్స్ లేక సతమతమైన వరుణ్ తేజ్ కూడా ఈ ఇయర్ లో ఫిదాతో బిగ్గెస్ట్ హిట్ అందుకొని మార్కెట్ ను పెంచుకున్నాడు. అయితే సాయి ధరమ్ తేజ్ మాత్రం ఇంకా తన ఎనర్జీ కి తగ్గట్టు హై మార్కెట్ ని సెట్ చేసుకోలేకపోతున్నారు.

అయితే ఒక స్ట్రాంగ్ హిట్ పడితే స్టార్ హీరోగా మంచి గుర్తింపు తెచ్చుకోవచ్చని మాస్ కథలని బాగానే ఎంచుకుంటున్నాడు. రీసెంట్ గా కొంచెం డిఫెరెంట్ గా ట్రై చేసిన జవాన్ మాత్రం చాలా నిరాశనే మిగిల్చింది. కానీ సాయి మాత్రం ఆ రిజల్ట్ ని మరచి తన ఫోకస్ ని నెక్స్ట్ సినిమాలపై పెట్టాడు. ప్రస్తుతం వివి.వినాయక్ తో అలాగే కరుణాకరన్ దర్శకత్వంలో సినిమాలను చేస్తోన్న సంగతి తెలిసిందే. అయితే కరుణాకరన్ సినిమాను పక్కనపెడితే.. సాయి వివి.వినాయక్ తో చేస్తోన్న సినిమాపై భారీ ఆశలను పెట్టుకున్నాడు.

ఆ సినిమాకు ధర్మా భాయ్ అనే టైటిల్ ను ఫిక్స్ చేసినట్లు తెలుస్తోంది. ఇంతకుముందు ఇంటిలిజెంట్ అని టైటిల్ ను అనుకుంటున్నారని వార్తలు వచ్చాయి. కానీ అది స్పైసి గా అనిపించడం లేదని ఘాటుగా ఉండేలా ధర్మా భాయ్ అనే టైటిల్ ను ఫిక్స్ చేశాడట దర్శకుడు. కానీ ఇంకా అధికారికంగా ఫిక్స్ చేయలేదు. త్వరలోనే ఫస్ట్ లుక్ తో పాటు టైటిల్ ను కూడా తెలియజేస్తారని చిత్ర యూనిట్ ద్వారా తెలుస్తోంది. ఇక సినిమాను ఫిబ్రవరిలో రిలీజ్ చేయాలనీ అనుకుంటున్నారు.