RC 16 : చరణ్ నెవ్వర్ బిఫోర్ మాస్ లుక్!!
టాలీవుడ్ స్టార్ హీరో రామ్ చరణ్.. రీసెంట్ గా గేమ్ ఛేంజర్ వర్క్ ను పూర్తి చేసిన విషయం తెలిసిందే.
టాలీవుడ్ స్టార్ హీరో రామ్ చరణ్.. రీసెంట్ గా గేమ్ ఛేంజర్ వర్క్ ను పూర్తి చేసిన విషయం తెలిసిందే. కోలీవుడ్ స్టార్ డైరెక్టర్ శంకర్ దర్శకత్వం వహిస్తున్న ఆ సినిమా రిలీజ్ కు సిద్ధమవుతోంది. పొలిటికల్ యాక్షన్ థ్రిల్లర్ గా రూపొందుతున్న ఆ మూవీ.. వచ్చే ఏడాది సంక్రాంతి కానుకగా ప్రేక్షకుల ముందుకు రానుంది. జనవరి 10వ తేదీన విడుదల కానుంది.
బ్లాక్ బస్టర్ హిట్ ఆర్ఆర్ఆర్ తర్వాత రామ్ చరణ్ చేస్తున్న మూవీ కావడంతో గేమ్ ఛేంజర్ పై మంచి అంచనాలు నెలకొన్నాయి. అదే సమయంలో ఇప్పుడు చరణ్.. తన నెక్స్ట్ మూవీతో బిజీ అయిపోయారు. ఉప్పెనతో సూపర్ హిట్ అందుకున్న బుచ్చిబాబు సానాతో వర్క్ చేస్తున్న విషయం తెలిసిందే. రీసెంట్ గా బుచ్చిబాబు షూటింగ్ కూడా స్టార్ట్ చేశారు.
కొద్ది రోజుల క్రితం.. మైసూర్ చాముండేశ్వరి ఆలయంలో దిగిన పిక్ ను పోస్ట్ చేసి షూటింగ్ మొదలుపెట్టినట్లు పరోక్షంగా తెలిపారు. ఆ తర్వాత రోజే మైసూరుకు రామ్ చరణ్ పయనమయ్యారు. ఫస్ట్ షెడ్యూల్ లో ఆయనపై కీలక సన్నివేశాలు చిత్రీకరించనున్నట్లు తెలుస్తోంది. దీంతో సినీ ప్రియులు, మెగా ఫ్యాన్స్ అప్డేట్స్ కోసం వెయిట్ చేస్తున్నారు.
అదే సమయంలో RC 16 మేకర్స్.. క్రేజీ అప్డేట్ ఇచ్చారు. ఇప్పటికే చరణ్.. మూవీ కోసం బాగా వర్కౌట్స్ చేస్తున్నట్లు ఆయన కటౌట్ చూస్తే అర్థమైపోతుంది. బాడీని బాగా బిల్డ్ చేసుకుంటున్నారు. సినిమాలో చరణ్ కచ్చితంగా సరికొత్త మేకోవర్ తో కనిపించనున్నట్లు అంతా ఫిక్స్ అయిపోయారు. ఇప్పుడు చరణ్ కొత్త లుక్ ను ఫేమస్ హెయిర్ స్టైలిష్ట్ ఆలీమ్ హకీమ్ డిజైన్ చేస్తున్నారు.
అందుకు సంబంధించిన పిక్ ను మేకర్స్ తాజాగా సోషల్ మీడియాలో పోస్ట్ చేశారు. నెవ్వర్ బిఫోర్ మాస్ లుక్ లోడింగ్ అంటూ క్యాప్షన్ ఇచ్చారు. ఫోటోలో చరణ్ సైడ్ నుంచి కనిపిస్తుండగా.. ఆయనతో ఆలీమ్, బుచ్చిబాబు డిస్కస్ చేస్తున్నట్లు తెలుస్తోంది. మొత్తానికి సినిమాలో చరణ్ సరికొత్త మేకోవర్ తో అలరించనున్నట్లు అర్థమవుతోంది. దీంతో ఆయన లుక్ కోసం అంతా ఆసక్తిగా ఎదురుచూస్తున్నారు.
ఇక సినిమా విషయానికొస్తే.. బాలీవుడ్ బ్యూటీ జాన్వీ కపూర్ హీరోయిన్ గా నటిస్తున్నారు. టాలీవుడ్ నటుడు జగపతిబాబు, శాండిల్ వుడ్ యాక్టర్ శివరాజ్ కుమార్ కీలక పాత్రలు పోషిస్తున్నారు. ఆస్కార్ విన్నింగ్ మ్యూజిక్ డైరెక్టర్ ఏఆర్ రెహమాన్ మ్యూజిక్ అందిస్తున్నారు. భారీ బడ్జెట్ తో మైత్రీ మూవీ మేకర్స్ బ్యానర్ పై రవిశంకర్, నవీన్ నిర్మిస్తున్నారు. మరి RC 16 మూవీలో చరణ్ లుక్ ఎలా ఉంటుందో చూడాలి.