సముద్రం శ్రీహరి టైపులో లేడేంటండీ

మెగా మేనల్లుడు సాయిధరం తేజ్ తన స్పీడ్ లో తన సినిమాలు చేసుకుంటూనే.. కృష్ణ వంశీ నుంచి ఒక్క ఫోన్ రాగానే వచ్చి నక్షత్రంలో వాలిపోయాడు. తేజు నమ్మకాన్ని వమ్ము చేయకుండా పోలీసాఫీసర్ గా సూపర్బ్ రోల్ ని ఇచ్చాడు కృష్ణ వంశీ. రీసెంట్ గా మెగా పవర్ స్టార్ రామ్ చరణ్ నక్షత్రం లోగో లుక్ ని లాంఛ్ చేయగా.. సుప్రీమ్ హీరో కూడా సినిమాలో ఇరగదీసేస్తున్నాడని తెలుస్తోంది.

తాజాగా ఈ మూవీ షూటింగ్ స్పాట్ కి సంబంధించి కొన్ని ఫోటోలు బయటకొచ్చాయి. అందులో ఒకదానిలో పోలీసాఫీసర్ గా స్టిఫ్ గా కనిపిస్తున్నాడు సాయిధరం తేజ్. మరో ఫోటోలో అయితే మాసిపోయి వెలిసిపోయిన ఖాకీ షర్ట్ తో కనిపించి.. సస్పెండ్ అయి రోడ్లపై తిరుగుతున్న పోలీస్ మాదిరిగా అనిపిస్తున్నాడు. ఈ గెటప్ లు.. అట్మాస్ఫియర్ లను చూస్తుంటే.. కృష్ణవంశీ గతంలో తీసిన సముద్రం గుర్తుకు రావడంలో ఏ మాత్రం ఆశ్చర్యం ఉండదు.

ఆ మూవీలో స్ట్రిక్ట్ సీఐ పాత్రలో శ్రీహరి కనిపిస్తే.. తేజు రోల్ అలాగే కనిపిస్తుంది. ఇక కానిస్టేబుల్ రోల్ లో ప్రకాష్ రాజ్ ఉన్నట్లుగానే సాయిధరం తేజ్ రెండో గెటప్ కనిపించడం విశేషమే. మరి ఈ రెండు పాత్రలను క్లబ్ చేసి కొత్త కేరక్టర్ ని డిజైన్ చేసినట్లున్నాడు క్రియేటివ్ డైరెక్టర్ కృష్ణవంశీ.

Like Us on Facebook : https://www.facebook.com/Tupakidotcom/