చిన్నారి పాప‌లా మారి అల్ల‌రి చేస్తోంది

వ‌ర్షం కురుస్తున్న వేళ‌... లేదా సెల‌యేరు పారుతున్న వేళ అప్ర‌య‌త్నంగా మ‌న‌సు ఒక్క‌సారిగా పుల‌క‌రించిపోతుంది. మ‌న‌లో దాగున్న చిన్నారి త‌నం వెంటనే బ‌య‌టికి వ‌చ్చేసి నీళ్ల‌లో ఆట‌లాడుతూ అల్ల‌రి చేయ‌మంటుంది. సాయి ప‌ల్ల‌వికి కూడా అలాంటి ఫీలింగే క‌లిగింద‌ట‌. `ఫిదా`, ల‌వ్ స్టోరీ చిత్రాల‌తో తెలుగు ప్రేక్ష‌కుల్లో చెర‌గ‌ని ముద్ర వేసుకున్న ఈ మ‌ల‌ర్‌.. టాలీవుడ్ లో క్రేజీ హీరోయిన్ ల జాబితాలో చేరిపోయింది. ఆమె త‌న సినిమాలో న‌టిస్తే చాల‌ని స్వ‌యంగా మెగాస్టార్ చిరంజీవే ఆఫ‌ర్ ఇచ్చేంత‌గా క్రేజ్ ని ద‌క్కించుకుంది.

రీసెంట్ గా నేచుర‌ల్ స్టార్ నాని న‌టించిన `శ్యామ్ సింగ రాయ్‌` సినిమాతో ప్రేక్ష‌కుల ముందుకొచ్చింది. ఇందులో కోల్ క‌తా యువ‌తిగా... దేవ‌దాసీ పాత్ర‌లో న‌టించి ఆక‌ట్టుకుంటోంది. బెంగాళీ యువ‌తిగా సాయిప‌ల్ల‌వి న‌ట‌న చూసి ప్రేక్ష‌కులు ఫిదా అయిపోతున్నారు. అలాగే `ప్ర‌ణ‌వాల‌య ..` గీతంలో సాయి ప‌ల్ల‌వి చూపించిన హావ భావాలు, ఆమె డ్యాన్స్ ప్ర‌తీ ఒక్క‌రినీ ఆక‌ట్టుకుంటోంది. ఈ నెల 24న నాలుగు భాష‌ల్లో విడుద‌లైన ఈ చిత్రం మంచి టాక్ ని సొంతం చేసుకుంటూ భారీ స్థాయిలో వ‌సూళ్ల‌ని రాబ‌డుతోంది.

ఇయ‌ర్ ఎండింగ్ రో విజ‌యాన్ని త‌న ఖాతాలో వేసుకున్న ఆనందంలో వున్న సాయి ప‌ల్ల‌వి ప్ర‌స్తుతం ఈ విజ‌యాన్ని ఆస్వాదిస్తూ ఓ సాధార‌ణ యువ‌తిలా ఎంజాయ్ చేస్తోంది. పూల పూల కుర్తాలో స్విమ్మింగ్ పూల్ వ‌ద్ద చిన్న పాప‌లా మారిపోయి ఆడుకుంటూ క‌నిపించింది. ఇందుకు సంబంధించిన ఫొటోల‌ని సోష‌ల్ మీడియా వేదిక‌గా షేర్ చేసిన సాయి ప‌ల్ల‌వి `గుండెలోతుల్లో వున్న ప‌సి హృద‌యాన్ని తాకింది` అంటూ క్యాప్ష‌న్ ఇచ్చింది.

సాయి ప‌ల్ల‌వి చిన్నారి పాప‌లా మారి అల్ల‌రి చేస్తున్న‌ట్టున్న ఫొటోలు ప్ర‌స్తుతం నెట్టింట వైర‌ల్ గా మారాయి. ఈ ఫొటోలు చూసిన నెటిజ‌న్స్ హౌ ల‌వ్ లీ.. గార్జియ‌స్ మ‌ల‌ర్‌..బ్యూటిఫుల్ సోల్ అంటే ఇదే క‌దా అంటూ కామెంట్ లు చేస్తున్నారు. సాయి ప‌ల్ల‌వి మ‌రో సారి విభిన్న‌మైన పాత్ర‌లో న‌టించిన చిత్రం `విరాట ప‌ర్వం`. రానా హీరోగా న‌టించిన ఈ చిత్రాన్ని వేణు ఊడుగుల తెర‌కెక్కించారు. చిత్రీక‌ర‌ణ పూర్తి చేసుకున్న ఈ చిత్రం త్వ‌ర‌లో రిలీజ్ కాబోతోంది.