అనుష్క నా ఇన్‌ స్పిరేషన్‌ అంటోంది

నాలో ఒగరుంది, సొగసుంది. మతిచెడే హొయలున్నయ్‌! చూస్తారా? నన్ను ఆన్‌ స్క్రీన్‌. చేసుకుంటారా మస్తీ ఫెస్టివల్‌? అంటూ ఊరిస్తోంది సాక్షి చౌదరి. ప్యార్‌ మే పడిపోయానే.. అంటూ కరెంటు తీగ లాంటి మనోజే ఫిదా అయిపోయాడు ఈ అమ్మడి అందానికి. ఇక ఇప్పుడు అల్లరి నరేష్‌ పడిపోకుండా ఉంటాడా? అతడి సరసన జేమ్స్‌ బాండ్‌ చిత్రంలో నాయికగా నటించింది సాక్షి. ఈ సినిమాలో హీరోకి ధీటుగా ఫైటింగులు చేసింది అమ్మడు. మాఫియా డాన్‌గా అలరించబోతోంది. త్వరలో రిలీజ్‌ కి రాబోతున్న తన రెండో సినిమా గురించి ఎంతో ఆత్రంగా ఎదురు చూస్తున్నానని చెప్పింది. ఇంకా ఏం చెప్పిందంటే...

=లేడీ గ్యాంగ్‌ స్టర్‌ని ఎప్పుడైనా చూశారా? ఆ అదృష్టం ఇక ఎంతో దూరంలో లేదు. నేను డాన్‌ పాత్రలో అలరించబోతున్నా. వెయిట్‌ అండ్‌ సీ.

=సినిమా చూసి నేను ఎలా నటించానో ఫీడ్‌ బ్యాక్‌ చెప్పండి. దానికోసమే ఈ ఆత్రం. నా క్యారెక్టర్‌ బోలెడంత ఫన్‌ పండిస్తుంది. అలాగే ఫైటింగుల్లో రివాల్వర్‌ రాణీలా కనిపిస్తా. గ్లామరస్‌ పాత్రే అయినా ఇందులో నటించడానికి బాగానే శ్రమించాల్సి వచ్చింది.

=అల్లరి నరేష్‌ చాలా సిగ్గరి. సైలెంట్‌ కూడా. నేను కూడా అంతే. మేం ఇద్దరం షూటింగు లో చడీచప్పుడు చేయక సైలెంటుగానే ఉండేవాళ్లం. ఇక నటన విషయానికి వస్తే నరేష్‌ కామెడీలో మాష్టర్‌. మరోసారి అందరినీ ఇంప్రెస్‌ చేయబోతున్నాడు.

=సాయి కిషోర్‌ దర్శకుడిగా ఎంతో సహకారి. ఆన్‌ సెట్స్‌ బోలెడంత సాయం చేశారు. నటనలో ఎలాంటి తడబాటు లేకుండా సాయపడ్డారు. ఇక ఏకె ఎంటర్‌ టైన్‌మెంట్స్‌ ఓ డిలైట్‌ ఫుల్‌ బ్యానర్‌. అద్భుతమైన కీ రోల్‌ ఇచ్చి ప్రోత్సహించారు నిర్మాతలు.

=హిందీలో ఇస్మాయిల్‌ దర్బార్‌ (సంగీతదర్శకుడు) దర్శకత్వంలో నటిస్తున్నా. అలాగే భవిష్యత్‌ లో అనుష్క అంత ఎదగాలని ఉంది. తన బాటలోనే వెళ్లాలనుకుంటున్నా.