మహేష్ ఎవరిపై శ్రద్ధ పెట్టాడో?

మహేష్ బాబు-మురుగదాస్ కాంబినేషన్ సినిమా ఫిక్స్ అయిపోయింది. ప్రస్తుతం చేస్తున్న బ్రహ్మోత్సవం పనులు పూర్తి కాగానే ఈ సినిమాను సెట్స్ పైకి తీసుకెళ్లనున్నాడు సూపర్ స్టార్. ఈ మూవీలో డ్యుయల్ రోల్ పోషించబోతున్నాడనే వార్తలు కూడా ఫ్యాన్స్ కి కిక్ ఇస్తున్నాయి. అయితే బ్రహ్మోత్సవం సెట్స్ పై ఉండగానే.. నెక్ట్స్ ప్రాజెక్ట్ సంబధించిన ప్రీ ప్రొడక్షన్ పనులు చేసేస్తుండడం విశేషం.

ప్రస్తుతం ఈ ప్రెస్టీజియస్ ప్రాజెక్ట్ లో మహేష్ బాబు సరసన నటించబోయే హీరోయిన్ ఎవరనే టాపిక్ పై చర్చ నడుస్తోంది. అయితే.. తనకు జంటగా శ్రద్ధా కపూర్ ని తెచ్చే యోచనలో ఉన్నాడు టాలీవుడ్ సూపర్ స్టార్. ఆషికి2 - ఏక్ విలన్ చిత్రాలతో గ్లామర్ తోనూ - పెర్ఫామన్స్ తోనూ ఆకట్టుకున్న శ్రద్ధా కపూర్ ని టాలీవుడ్ లో తెచ్చే ప్రయత్నాలు జోరుగానే సాగుతున్నాయి. బాలీవుడ్ లో విలన్ రోల్స్ కి ప్రఖ్యాతి చెందిన శక్తి కపూర్ కూతురే ఈ శ్రద్ధా కపూర్. ఈ చిన్నది 2010లో వచ్చిన తీన్ పత్తీ చిత్రంతో బాలీవుడ్ అరంగేట్రం చేసింది.

ఆషికి 2 - ఏబీసీడీ 2 చిత్రాలు ఈ భామకు బాగా పేరు తెచ్చాయి. డ్యాన్స్ పెర్ఫామెన్స్ ల్లోనూ ఇరగదీస్తుండడంతో..  ప్రస్తుతం బాలీవుడ్ లో అత్యంత డిమాండ్ ఉన్న హీరోయిన్లలో శ్రద్ధా కూడా ఒకరు. ఇప్పటికైతే ఈ వయ్యారి ఇంకా ప్రిన్స్ పక్కన నటించనుండడం కన్ఫాం కాలేదు. కాకపోతే.. కొత్త కాంబినేషన్ సెట్ చేయడంతో పాటు.. తన పక్కన శ్రద్ధా కపూర్ కరెక్ట్ గా మ్యాచ్ అవుతుందని మహేష్ భావిస్తున్నాడు. అందుకే ఈ బాలీవుడ్ భామను టాలీవుడ్ తెచ్చేందుకు గట్టిగానే ప్రయత్నాలు జరుగుతున్నాయి.