సీనియ‌ర్..జూనియ‌ర్ హీరోలంద‌ర్నీ రౌండప్ చేసిన శ్రీలీల‌!

హిట్  లేకుండా అవ‌కాశాలు ఎలా అందుకోవాలో?  నేటి త‌రం నాయిక‌లంతా యంగ్ బ్యూటీ శ్రీలీల‌ని చూసి నేర్చుకోవాల్సిందేనా? అమ్మ‌డి ద‌గ్గ‌ర స్పెష‌ల్  క్లాస్ లు తీసుకోవాల్సిందేనా? అంటే అవున‌నే అనాలి. `పెళ్లి సంద‌డి` సినిమాతో ప‌రిచ‌య‌మైన అమ్మ‌డు తొలి  చిత్రంతోనే డిజాస్ట‌ర్ ఖాతాలో వేసుకుంది. కానీ అమ్మ‌డి అందం..అభిన‌యానికి కుర్రాళ్లంతా ప‌డిపోయారు.

ఆ క్రేజ్ తోనే ర‌వితేజ‌తో రొమాన్స్ చేసే ఛాన్స్ ద‌క్కించుకుంది. రీసెంట్ గా రిలీజ్ అయిన `ధ‌మాకా`లో రాజా తో  తెర‌ను పంచుకుంది. ఈ సినిమా కూడా మొద‌టి సినిమా త‌ర‌హా ఫలితాన్నే రిపీట్ చేస్తుంది. మ‌రి ఇప్పుడు శ్రీలీల ప‌రిస్థితి ఏంటి? అంటే ధ‌ర్జాగా కాలు మీద కాలేసుకుని కులాసాగా ఉండొచ్చ‌ని చెప్పొచ్చు. అవును శ్రీలీల ఖాతాలో ఒక‌టి రెండు సినిమాలు కాదు..నాలుగైదు సినిమాలు క‌నిపిస్తున్నాయి.

`అన‌గ‌న‌గా ఒక రోజు అనే చిత్రం స‌హా `జూనియ‌ర్` అనే తెలుగు...క‌న్న‌డ భాష‌ల్లో మ‌రో సినిమా చేస్తుంది. ఇక శ్రీలీల‌ అధికారికంగా రిలీజ్ చేసిన ప్రాజెక్ట్ ల వివ‌రాలు ఇలా ఉన్నాయి. ఆ జాబితా చూస్తే బ్యూటీ సీనియ‌ర్ హీరోలు నుంచి జూనియర్స్ వ‌ర‌కూ అంద‌రితోనూ రొమాన్స్ స‌మానంగా చేసేస్తుంది. బాల‌కృష్ణ 108వ సినిమాలో ఈ భామ‌నే హీరోయిన్. అనీల్ రావిపూడి ద‌ర్శ‌క‌త్వం వ‌హిస్తోన్న సినిమాలో అమ్మ‌డి అందాలు అన్ని హైలైట్ చేయ‌బోతున్నారు.

అలాగే రామ్ -బోయ‌పాటి కాంబినేష‌న్ లో తెర‌క‌క్కుతోన్న పాన్ ఇండియా చిత్రంలోనూ ఈభామనే నాయిక‌.  వారాహీ బ్యాన‌ర్లో ఒక ఓ సినిమాచేస్తుంది...మెగా  మేన‌ల్లుడు వైష్ణ‌వ్ తేజ్  మ‌రో సినిమా చేస్తుంది. అంతేనా ఇంకా ఉన్నాయి.  యూత్ స్టార్ నితిన్ ఒక సినిమా....యంగ్ హీరో న‌వీన్ పొలిశెట్టితో మ‌రో సినిమా  చేస్తుంది.

ఈ వివ‌రాల‌న్ని శ్రీలీల స్వ‌యంగా మీడియాకు తెలిపింది. ఒక్క హిట్ లేకుండా ఇన్ని అవ‌కాశాలు ఎలా సాధ్య‌మన్న‌ది ఆమెనే అడిగి తెలుసుకోవాలి. అలాంట‌ప్పుడు అవ‌కాశాలు రాని భామ‌లంతా ఈమె ద‌గ్గ‌ర‌కెళ్లి ఓ గంట క్లాస్ తీసుకున్నా త‌ప్పేంలేదు. ఈ అవ‌కాశాల‌న్ని అమ్మ‌డు  బ్యూటీతోనూ సొంతం చేసుకుంటుది అన్న‌ది  ప‌రిశ్ర‌మ మాట‌.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.