మ‌హేష్ ని తిర‌స్క‌రించిన ఫిదా పిల్ల‌..ఇదీ సంగ‌తి..!

త‌నదైన న‌టనాభిన‌యం.. నృత్య విన్యాసాల‌తో టాలీవుడ్ లో అంత‌కంత‌కు సంచ‌ల‌నంగా మారుతోంది సాయి ప‌ల్ల‌వి. ఫిదాలో వ‌చ్చిండే సాంగ్ తో ఓ ఊపు ఊపిన సాయి ప‌ల్లవి ఆ త‌ర్వాతా రౌడీ బేబి సాంగ్ తో సౌత్ మొత్తాన్ని ఒక ఊపు ఊపింది. అంత‌కుముందు కూడా సాయిప‌ల్ల‌వి మైండ్ బ్లోయింగ్ డ్యాన్సింగ్ ట్యాలెంట్ యూత్ కి క‌నెక్ట‌యిపోయింది. ఇప్పుడు ల‌వ్ స్టోరిలో సారంగ‌ద‌రియా .. సాంగ్ తో మ‌రో లెవ‌ల్ కి చేరిపోయింది.

అందుకే సాయిప‌ల్ల‌వి కోస‌మే వేచి చూసే ద‌ర్శ‌క‌నిర్మాత‌లు.. హీరోలు ఉన్నారు. చాలామంది సాయిప‌ల్ల‌వికి క‌థ‌లు వినిపించి ఓకే చేయించుకునేందుకు చాలానే త‌ప‌న‌ప‌డ్డా త‌న‌కు న‌చ్చక‌పోతే స్టార్ డైరెక్టర్ స్టార్ హీరో అయినా ప‌క్క‌న పెట్టేస్తోంద‌ని నిరంత‌రం ప్ర‌చార‌మ‌వుతోంది.

ఇంత‌కుముందు అనీల్ రావిపూడి వినిపించిన లైన్ విన్న సాయి ప‌ల్ల‌వి అందులో న‌టించేందుకు వెంట‌నే గ్రీన్ సిగ్న‌ల్ ఇవ్వ‌లేదు. అప్ప‌టికి స‌రిలేరు నీకెవ్వ‌రు సెట్స్ లో ఉన్నారు రావిపూడి. దీంతో మ‌హేష్ స‌ర‌స‌న ఆఫ‌ర్ ని సాయిప‌ల్ల‌వి కాద‌నుకుంద‌ని ప్ర‌చార‌మైంది.

అయితే అది నిజ‌మా కాదా? అన్న‌దానిపై ఇన్నాళ్లు క్లారిటీ లేదు. తాజాగా  గాలి సంపత్ ప్రమోషన్స్ లో దర్శకుడు అనిల్ రావిపుడి మాట్లాడుతూ.. ఏదో ఒక రోజు తాను ఓ స్పోర్ట్స్ మూవీ చేయ‌బోతున్నాన‌ని ఇందులో సాయిప‌ల్ల‌వి న‌టించే అవ‌కాశం ఉంద‌ని అన్నారు. దీంతో సాయిప‌ల్ల‌వితో అనీల్ రావిపూడి ప్రాజెక్ట్ ఇంకా అట‌కెక్క‌లేద‌ని క్లారిటీ వ‌చ్చేసింది. అలాగే మహేష్ స‌ర‌స‌న ఆఫ‌ర్ ని ఫిదా పిల్ల తిర‌స్క‌రించ‌లేద‌ని క్లారిటీ వచ్చింది.

క‌థ‌లో పాయింట్‌.. త‌న పాత్ర ప‌రిధిని బ‌ట్టే సాయిప‌ల్ల‌వి ఏదైనా ఆఫ‌ర్ ని అంగీక‌రిస్తుంది. అన‌వ‌స‌ర‌మైన వాటిని తిర‌స్క‌రిస్తుంది. అందుకే త‌న బ‌ల‌మైన నిబంధ‌న‌ల్ని కాపాడుకునే క్ర‌మంలోనే అప్పుడ‌ప్పుడు అలాంటి ప్ర‌చారాన్ని ఎదుర్కోవాల్సి వ‌స్తోంద‌న్న‌మాట‌.