దసరా పండక్కి టాలీవుడ్ లో ఇద్దరు బిగ్ స్టార్స్ మధ్య ఆసక్తికరమైన పోటీ నెలకొంది. మెగాస్టార్ చిరంజీవి మరియు కింగ్ అక్కినేని నాగార్జున ఒకేసారి బాక్సాఫీస్ బరిలో దిగుతున్నారు. 'గాడ్ ఫాదర్' & 'ది ఘోస్ట్' సినిమాలు అక్టోబర్ 5న థియేటర్లలోకి రాబోతున్నాయి. వీటితో పాటుగా బెల్లంకొండ సాయి శ్రీనివాస్ సోదరుడు గణేష్ డెబ్యూ మూవీ 'స్వాతి ముత్యం' అదే రోజున విడుదల కాబోతోంది. అయితే ఇప్పుడు ఆసక్తికరంగా ఈ రేసులోకి ''జిన్నా'' కూడా వచ్చి చేరింది.
మంచు విష్ణు హీరోగా నటిస్తున్న తాజా చిత్రం ''జిన్నా''. ఇషాన్ సూర్య ఈ చిత్రానికి దర్శకత్వం వహిస్తున్నారు. ఇందులో విష్ణు సరసన పాయల్ రాజ్ పుత్ మరియు సన్నీ లియోన్ హీరోయిన్లుగా నటిస్తున్నారు. షూటింగ్ చివరి దశకు చేరుకున్న ఈ సినిమాని.. తెలుగు మలయాళ హిందీ భాషల్లో విడుదల చేయనున్నారు. ఈ నేపథ్యంలో ఇప్పటికే ప్రమోషన్ కార్యక్రమాలను కూడా ప్రారంభించారు.
'జిన్నా' చిత్రాన్ని అక్టోబర్ లోనే రిలీజ్ చేయనున్నట్లు మేకర్స్ టీజర్ లో ప్రస్తావించారు. అయితే ఇప్పుడు విజయదశమి సందర్భంగా అక్టోబర్ 5న ఈ చిత్రాన్ని థియేటర్లలోకి తీసుకురావాలనే నిర్ణయానికి వచ్చినట్లు వార్తలు వస్తున్నాయి. ఇదే నిజమైతే చిరంజీవి - నాగార్జున వంటి అగ్ర హీరోలతో మంచు విష్ణు బాక్సాఫీస్ వద్ద ఫైట్ చేయడానికి సిద్ధంగా ఉన్నట్లు భావించాలి.
ఇదిలా ఉంటే 'జిన్నా' రిలీజ్ డేట్ గురించి సోషల్ మీడియాలో చర్చలు ప్రారంభమైన తర్వాత.. 'చిరంజీవి - నాగార్జునతో పోటీ పడుతున్న సన్నీలియోన్' అంటూ ఓ వర్గం ఫ్యాన్స్ కామెంట్స్ చేస్తున్నారు. శృంగార తార సన్నీ నటించిన తెలుగు సినిమా ఈ దసరాకు విడుదల అవుతుంది అంటూ సెటైరికల్ పోస్టులు పెడుతున్నారు. ఇద్దరు సీనియర్ హీరోల మధ్య విష్ణు నలిగిపోతారని మరికొందరు వ్యాఖ్యానిస్తున్నారు.
నిజానికి 'జిన్నా' సినిమా మంచు విష్ణు కు చాలా కీలమని చెప్పాలి. గత కొంతకాలంగా సరైన హిట్లు లేని హీరో.. చివరగా 'మోసగాళ్ళు' వంటి డిజాస్టర్ అందుకున్నారు. అందుకే ఈసారి ఎలాగైనా సక్సెస్ అందుకోవాలని చూస్తున్నాడు. మరోవైపు పాయల్ కూడా ఈ సినిమాపై బోలెడన్ని ఆశలు పెట్టుకుంది. కాకపోతే సోలో డేట్ కి రిలీజ్ ప్లాన్స్ చేసుకోకుండా.. విష్ణు రెండు పెద్ద సినిమాల మధ్యలో థియేటర్లలోకి వదులుతున్నాడని అంటున్నారు. దీనిపై త్వరలోనే అధికారిక ప్రకటన ఇస్తారేమో చూడాలి.
కాగా, 'జిన్నా' అనేది యాక్షన్ కలబోసిన రొమాంటిక్ హారర్ కామెడీ సినిమా. ఇటీవల వచ్చిన టీజర్ తో ఈ విషయం స్పష్టమయింది. ప్రముఖ రచయిత కోన వెంకట్ దీనికి క‌థ - స్క్రీన్ ప్లే అందించ‌డ‌మే కాకుండా క్రియేటివ్ ప్రొడ్యూస‌ర్‌ గా వ్యవహరిస్తున్నారు. అనూప్ రూబెన్స్ సంగీతం సమకూర్చగా.. చోటా కె నాయుడు సినిమాటోగ్రఫీ నిర్వహించారు.
అవ్రమ్ భక్త మంచు సమర్పణలో ఏవీఏ ఎంట‌ర్‌టైన్‌మెంట్స్ మరియు 24 ఫ్రేమ్స్ ఫ్యాక్టరీ బ్యానర్స్ పై మంచు మోహన్ బాబు ఈ చిత్రాన్ని నిర్మిస్తున్నారు. వరుస ఫ్లాపులతో సతమతమవుతున్న మంచు విష్ణు.. 'జిన్నా' తో అయినా సాలిడ్ హిట్ కొడతారేమో చూడాలి.
మంచు విష్ణు హీరోగా నటిస్తున్న తాజా చిత్రం ''జిన్నా''. ఇషాన్ సూర్య ఈ చిత్రానికి దర్శకత్వం వహిస్తున్నారు. ఇందులో విష్ణు సరసన పాయల్ రాజ్ పుత్ మరియు సన్నీ లియోన్ హీరోయిన్లుగా నటిస్తున్నారు. షూటింగ్ చివరి దశకు చేరుకున్న ఈ సినిమాని.. తెలుగు మలయాళ హిందీ భాషల్లో విడుదల చేయనున్నారు. ఈ నేపథ్యంలో ఇప్పటికే ప్రమోషన్ కార్యక్రమాలను కూడా ప్రారంభించారు.
'జిన్నా' చిత్రాన్ని అక్టోబర్ లోనే రిలీజ్ చేయనున్నట్లు మేకర్స్ టీజర్ లో ప్రస్తావించారు. అయితే ఇప్పుడు విజయదశమి సందర్భంగా అక్టోబర్ 5న ఈ చిత్రాన్ని థియేటర్లలోకి తీసుకురావాలనే నిర్ణయానికి వచ్చినట్లు వార్తలు వస్తున్నాయి. ఇదే నిజమైతే చిరంజీవి - నాగార్జున వంటి అగ్ర హీరోలతో మంచు విష్ణు బాక్సాఫీస్ వద్ద ఫైట్ చేయడానికి సిద్ధంగా ఉన్నట్లు భావించాలి.
ఇదిలా ఉంటే 'జిన్నా' రిలీజ్ డేట్ గురించి సోషల్ మీడియాలో చర్చలు ప్రారంభమైన తర్వాత.. 'చిరంజీవి - నాగార్జునతో పోటీ పడుతున్న సన్నీలియోన్' అంటూ ఓ వర్గం ఫ్యాన్స్ కామెంట్స్ చేస్తున్నారు. శృంగార తార సన్నీ నటించిన తెలుగు సినిమా ఈ దసరాకు విడుదల అవుతుంది అంటూ సెటైరికల్ పోస్టులు పెడుతున్నారు. ఇద్దరు సీనియర్ హీరోల మధ్య విష్ణు నలిగిపోతారని మరికొందరు వ్యాఖ్యానిస్తున్నారు.
నిజానికి 'జిన్నా' సినిమా మంచు విష్ణు కు చాలా కీలమని చెప్పాలి. గత కొంతకాలంగా సరైన హిట్లు లేని హీరో.. చివరగా 'మోసగాళ్ళు' వంటి డిజాస్టర్ అందుకున్నారు. అందుకే ఈసారి ఎలాగైనా సక్సెస్ అందుకోవాలని చూస్తున్నాడు. మరోవైపు పాయల్ కూడా ఈ సినిమాపై బోలెడన్ని ఆశలు పెట్టుకుంది. కాకపోతే సోలో డేట్ కి రిలీజ్ ప్లాన్స్ చేసుకోకుండా.. విష్ణు రెండు పెద్ద సినిమాల మధ్యలో థియేటర్లలోకి వదులుతున్నాడని అంటున్నారు. దీనిపై త్వరలోనే అధికారిక ప్రకటన ఇస్తారేమో చూడాలి.
కాగా, 'జిన్నా' అనేది యాక్షన్ కలబోసిన రొమాంటిక్ హారర్ కామెడీ సినిమా. ఇటీవల వచ్చిన టీజర్ తో ఈ విషయం స్పష్టమయింది. ప్రముఖ రచయిత కోన వెంకట్ దీనికి క‌థ - స్క్రీన్ ప్లే అందించ‌డ‌మే కాకుండా క్రియేటివ్ ప్రొడ్యూస‌ర్‌ గా వ్యవహరిస్తున్నారు. అనూప్ రూబెన్స్ సంగీతం సమకూర్చగా.. చోటా కె నాయుడు సినిమాటోగ్రఫీ నిర్వహించారు.
అవ్రమ్ భక్త మంచు సమర్పణలో ఏవీఏ ఎంట‌ర్‌టైన్‌మెంట్స్ మరియు 24 ఫ్రేమ్స్ ఫ్యాక్టరీ బ్యానర్స్ పై మంచు మోహన్ బాబు ఈ చిత్రాన్ని నిర్మిస్తున్నారు. వరుస ఫ్లాపులతో సతమతమవుతున్న మంచు విష్ణు.. 'జిన్నా' తో అయినా సాలిడ్ హిట్ కొడతారేమో చూడాలి.