నిశ్శబ్దం ఆలస్యం తో స్వీటీ అప్ సెట్?

టాలీవుడ్ స్వీటీ అనుష్క నటించిన నిశ్శబ్దం ముందుగా అనుకున్న షెడ్యూల్ ప్రకారం ఈ నెలలోనే విడుదల కావలసి ఉంది. అయితే నిర్మాతలు ఆశించినంతగా ప్రీరిలీజ్ బిజినెస్ జరగక పోవడంతో సినిమా ను ఫిబ్రవరి కి వాయిదా వేసినట్టు టాక్ వినిపించింది. జనవరి నెల చివరివారంలోకి వచ్చినప్పటికీ 'నిశ్శబ్దం' రిలీజ్ కు సంబంధించిన అప్డేట్ అయితే రావడం లేదు. దీంతో 'నిశ్శబ్దం' టీమ్ ఎందుకు సైలెంట్ అయిందా అనే అనుమానాలు వ్యక్తం అవుతున్నాయి.

దీనికి ఒక కారణం ఉందట. 'నిశ్శబ్దం' ప్రొడ్యూసర్లకు 'వెంకీమామ' లో షేర్ ఉంది. 'నిశ్శబ్దం' ను సురేష్ బాబు ద్వారానే రిలీజ్ చేస్తారట. అయితే 'నిశ్శబ్దం' సినిమా విడుదల చేసేందుకు ఫిబ్రవరి సరైన సమయం కాదని.. మరో మంచి డేట్ చూద్దామని సురేష్ బాబు చెప్పారట. దీంతో ఆయన అనుభవం.. మాటకు గౌరవం ఇచ్చి 'నిశ్శబ్దం' టీమ్ సైలెంట్ అయిపోయినట్టు సమాచారం. 'వెంకీమామ' సినిమా విజయం సాధించడం వెనుక రిలీజ్ డేట్ కీలక పాత్ర పోషించిన సంగతి అందరికీ తెలిసిందే. అందుకే ఈ సినిమా విషయంలో 'నిశ్శబ్దం' నిర్మాతలు ఛాన్స్ తీసుకో దలుచుకోలేదట. ఇదిలా ఉంటే ఈ సినిమా విడుదల ఆలస్యం కావడం పట్ల అనుష్క సంతోషంగా లేదట. ఇప్పటి కే అనుష్క నటించిన సినిమాలకు చాలా గ్యాప్ వస్తోంది. ఈ సినిమా విడుదల మాటిమాటికి వాయిదా పడుతుండడం స్వీటీని అప్సెట్ చేసిందని అంటున్నారు. మరి ఈ సినిమా ఎప్పుడు విడుదల అవుతుందో తెలియాలంటే మాత్రం మనం కొద్దిరోజులు వేచి చూడక తప్పదు.

హేమంత్ మధుకర్ దర్శకత్వంలో తెరకెక్కిన ఈ సినిమా లో మాధవన్.. అంజలి.. షాలిని పాండే.. మైఖేల్ మ్యాడ్సెన్ ఇతర కీలక పాత్రలు పోషించారు. సస్పెన్స్ థ్రిల్లర్ జోనర్లో తెరకెక్కిన ఈ సినిమాను పూర్తిగా అమెరికాలో తెరకెక్కించడం విశేషం.