మెగా డెబ్యూల్లో ది బెస్ట్ ఎవ‌రో తేలిన‌ట్టేనా?

మెగా ఫ్యామిలీ నుంచి ఎంద‌రో డెబ్యూ హీరోలు వెండితెర‌కు ప‌రిచ‌యం అయ్యారు. చిరుత చిత్రంతో రామ్ చ‌ర‌ణ్‌.. గంగోత్రి చిత్రంతో అల్లు అర్జున్.. ముకుంద చిత్రంతో వ‌రుణ్ తేజ్.. పిల్లా నువ్వు లేని జీవితం చిత్రంతో సాయి ధ‌ర‌మ్ తేజ్.. గౌర‌వం చిత్రంతో అల్లు శిరీష్.. క‌ళ్యాణ్ దేవ్ విజేత చిత్రంతో వెండితెర‌కు ప‌రిచ‌యం అయ్యారు.

ఇప్పుడు ఉప్పెన చిత్రంతో వైష్ణ‌వ్ తేజ్ కూడా ప‌రిచ‌యం అయ్యాడు. అంద‌రు హీరోల‌తో పాటు.. మొద‌టి స్పెష‌ల్ మేన‌ల్లుడు సాయి ధ‌ర‌మ్ తేజ్ త‌ర్వాత రెండో మేన‌ల్లుడికి కూడా మెగా ఫ్యామిలీ హీరోలంతా బోలెడంత అండ‌గా నిలిచారు. అయితే వీళ్లంద‌రిలో ఎవ‌రు ది బెస్ట్ డెబ్యూ? అన్న‌ది ప్ర‌శ్నిస్తే.. విశ్లేష‌ణ ఇలా ఉంది.

చిరుత చిత్రంతో మాస్ లోకి మ్యాసివ్ గా దూసుకొచ్చాడు రామ్ చ‌ర‌ణ్. మెగాఫ్యాన్స్ గొప్ప ప్ర‌శంస‌లు కురిపిస్తే.. యాంటీ ఫ్యాన్స్ మాత్రం విమ‌ర్శించారు. అల్లు అర్జున్ గంగోత్రి హిట్ట‌యింది. కానీ పొట్టి నిక్క‌రుతో ఆ రూపంపై కామెంట్లు చేశారు. శిరీష్ డెబ్యూ అస‌లు స‌క్సెస్ కాలేదు. సాయిధ‌ర‌మ్ డెబ్యూ సినిమాతోనే మెగా ఎన‌ర్జిటిక్ హీరో అన్న ప్ర‌శంస‌లు ద‌క్కించుకున్నాడు. ఇక ముకుంద‌తో డీసెంట్ హీరో  ప‌రిచ‌య‌మ‌య్యాడ‌ని వ‌రుణ్ తేజ్ ని ప్ర‌శంసించారు. క‌ళ్యాణ్ దేవ్ డెబ్యూ సినిమా ఏమంత ఆక‌ట్టుకోలేదు.

కానీ వైష్ణ‌వ్ తేజ్ విష‌యంలో అలా లేదు. యునానిమ‌స్ గా అన్నిచోట్లా ప్ర‌శంస‌లే ప్ర‌శంస‌లు. క్రిటిక్స్ నుంచి గొప్ప ప్ర‌శంస‌లు ద‌క్కాయి. ప్రామిస్సింగ్ డెబ్యూ హీరో ఎమోష‌న్స్ బాగా ప‌లికించాడు అంటూ పొగిడేస్తున్నారు. ఉప్పెన రికార్డ్ బ్రేకింగ్ డెబ్యూ వసూళ్ల‌ను సాధించింది. ఇప్ప‌టివ‌ర‌కూ టాలీవుడ్ లో ఉన్న డెబ్యూ హీరోల రికార్డుల‌న్నీ చెరిపేశాడు వైష్ణ‌వ్. ఇక ఓపెనింగుల‌తో రికార్డులు సృష్టించిన చ‌ర‌ణ్ -చిరుత‌.. అఖిల్ -అఖిల్ చిత్రాల రికార్డుల్ని తిర‌గ‌రాసాడు. ఆ ర‌కంగా రెండో మేన‌ల్లుడు గ్రేట్ ఫీట్ అందుకున్నాడ‌నే చెప్పాలి.