ఈసారి కన్ఫర్మ్‌.. బిగ్ బాస్ గా బాలయ్య

తెలుగు బుల్లి తెర ప్రేక్షకులు బిగ్‌ బాస్ ను బాగానే ఆధరిస్తున్నారు. మీలో ఎవరు కోటీశ్వరుడు షో ను చాలా భారీ ఎత్తున ప్లాన్ చేస్తే ఆ కార్యక్రమం కు ప్రేక్షకుల నుంచి తిరస్కణ తప్పలేదు. కానీ బిగ్‌ బాస్ మాత్రం ఇప్పటి వరకు ఏడు సీజన్ లు పూర్తి చేసుకుంది. ఇప్పుడు కొత్త సీజన్ నడుస్తున్న విషయం తెల్సిందే.

ప్రస్తుతం ప్రసారం అవుతున్న సీజన్‌ 7 తో పాటు ఓటీటీ సీజన్‌ ల్లో మొత్తం ఆరు సీజన్ లకు నాగార్జున హోస్టింగ్‌ చేశాడు. ఎన్టీఆర్ మరియు నాని లు మొదటి రెండు సీజన్ లకు హోస్టింగ్ చేశారు. ఇప్పుడు బిగ్ బాస్ కి కొత్త హోస్ట్‌ వచ్చే సమయం ఆసన్నం అయిందంటూ ప్రచారం జరుగుతోంది. సీజన్‌ 7 కే నాగార్జున ఉండక పోవచ్చు అంటూ తీవ్రంగా ప్రచారం జరిగింది.

బిగ్‌ బాస్ సీజన్‌ 7 పూర్తి అయిన తర్వాత నాగార్జున హోస్టింగ్ కంటిన్యూ చేస్తాడా లేదా అనే విషయం క్లారిటీ లేదు. కానీ బాలయ్య తో ఆహా వారు ఓటీటీ బిగ్ బాస్ కి ప్లాన్ చేస్తున్నారు అంటూ వార్తలు వస్తున్నాయి. అల్లు అరవింద్ కాస్త గట్టిగా ప్రయత్నించాలి కాని కచ్చితంగా బాలయ్య తో ఓటీటీ బిగ్ బాస్ ఒక సీజన్ ను లాగించేయొచ్చు అంటూ కొందరు అభిప్రాయం వ్యక్తం చేస్తున్నారు.

బాలయ్య ప్రస్తుతం వరుసగా సినిమాలు చేయడంతో పాటు రాజకీయాలతో బిజీగా ఉన్నారు. ఈ నేపథ్యం లో బిగ్ బాస్‌ కు ఓకే చెప్తాడా అనేది చూడాలి. అన్ స్టాపబుల్‌ షో కి ఆయన డేట్లు ఇవ్వలేక పోతున్నారు. ఇప్పడు ఆయన బిగ్ బాస్‌ షో కి ఓకే చెప్తాడా అంటే కొందరు డౌటే అంటున్నారు. అయితే ఓటీటీ బిగ్ బాస్ హోస్ట్ గా బాలయ్య వస్తే కచ్చితంగా రికార్డుల మోత మ్రోగడం ఖాయం అనిపిస్తుంది.