గుంటూరు కారం ట్రైలర్..వాడొక బ్రేక్ ల్లేని లారీ

అతడు, ఖలేజా తర్వాత మహేశ్‌ బాబు - త్రివిక్రమ్‌ కాంబినేషన్‌లో వస్తున్న చిత్రం గుంటూరు కారం. యాక్షన్ డ్రామాగా సిద్ధమైన ఈ చిత్రం కోసం ఫ్యాన్స్ ఎంతగానో ఎదురుచూస్తున్నారు. సంక్రాంతి కానుకగా జనవరి 12న ప్రేక్షకుల ముందుకు రానున్న ఈ చిత్రంపై ఇప్పటికే భారీ హైప్ క్రియేట్ అయింది. మరో రెండు రోజుల్లో ఈ సినిమా ప్రీ రిలీజ్ ఈవెంట్ జరగనున్నట్లు వార్తలు వస్తున్నాయి.

ఇప్పుడీ అంచనాలను మరింతగా రెట్టింపు చేసేందుకు మేకర్స్.. సాలిడ్ అప్డేట్ ఇచ్చారు. ఈ మూవీ థియేట్రికల్ ట్రైలర్ ను విడుదల చేశారు. ప్రస్తుతం ఈ ట్రైలర్ ఫుల్ వైరల్ గా మారింది. సోషల్ మీడియా వాల్స్ పై ఫ్యాన్స్ ట్రైలర్ ను షేర్ చేస్తూ భారీగా హడావుడి చేసున్నారు. మహేశ్ మ్యాస్ ర్యాంపేజ్ అంటూ ఫుల్ ఖుషీ అవుతున్నారు. ఎమోషనల్ గా కూడా ఆకట్టుకుందని అంటున్నారు. ట్రైలర్ అదిరిపోయిందని చెబుతున్నారు.

ప్రెస్ మీట్ తో ట్రైలర్ ప్రారంభమైంది. ఆ కుర్రాడు చూడగానే నాకు వచ్చి ఫస్ట్ ఎమోషన్ అంటూ బ్యాక్ గ్రౌండ్ డైలాగ్ వస్తుండగా మహేశ్ ఎంట్రీ ఇచ్చారు. బీడోతో జీప్ నుంచి మహేశ్ బయటకొచ్చిన సీన్ అదిరిపోయింది. మాస్ రోల్ లో మహేశ్ స్క్రీన్ ప్రెజెన్స్ సూపర్ అని చెప్పుచ్చు. హీరోయిన్ శ్రీలీల తన గ్లామర్ తో ఆకట్టుకుంటోంది. మీనాక్షి కూడా క్యూట్ డైలాగ్ తో అట్రాక్ట్ చేస్తోంది. ఎట్ లాస్ట్ మాస్ ఫైట్ తో అదరగొట్టారు మహేశ్. వాడొక బ్రేక్ ల్లేని లారీ అంటూ రావురమేశ్ డైలాగ్ చెబుతుండగా.. ఎమోషనల్ టచ్ లోకి వెళ్లింది ట్రైలర్.

ఆఫ్‌ ది రికార్డ్‌ సమాచారం ప్రకారం గుంటూరు కారం సినిమా దాదాపుగా రూ.200 కోట్ల బడ్జెట్ తో తెరకెక్కిందట. థియేట్రికల్‌, నాన్‌ థియేట్రికల్‌ రైట్స్ ద్వారా ఈజీగా నిర్మాత ఈ మూవీ బ్రేక్‌ ఈవెన్‌ ను సాధించగలడని టాక్. ప్రీ రిలీజ్ బిజినెస్ ద్వారా ఏకంగా రూ.250 కోట్ల వరకు నిర్మాతకు దక్కిందట. ఇంకా రూ.160 కోట్ల వరకు గుంటూరు కారం సినిమా వసూళ్లు చేయాల్సి ఉందని తెలుస్తోంది.

ఇక సినిమా విషయానికొస్తే.. మహేశ్ సరసన శ్రీలీల మెయిన్ హీరోయిన్గా నటిస్తుండగా, సెకండ్ హీరోయిన్గా మీనాక్షి చౌదరి నటిస్తోంది. జగపతిబాబు, రమ్యకృష్ణ, బ్రహ్మానందం, ప్రకాశ్ రాజ్, సునీల్, రఘబాబు వంటి సీనియర్ నటులు కీలక పాత్రల్లో నటిస్తున్నారు. రాధాకృష్ణ, సూర్యదేవర నాగవంశీ.. హారిక్ అండ్ హాసిన్ క్రియేషన్స్ పై ఈ సినిమాను నిర్మిస్తున్నారు.