హీరోయిన్ల‌కు టాలీవుడ్ లో అలాంటి డైరెక్ట‌ర్లు ఉండ‌రా?

హీరోయిన్లును ఎవ‌రినైనా మీ అభిమాన ద‌ర్శ‌కుడు ఎవ‌రు? ఏ డైరెక్ట‌ర్ తో ప‌నిచేయాల‌ని ఉంది అని అడిగినా! వచ్చే స‌మాధానం బాలీవుడ్ ద‌ర్శ‌కుల పేర్లే. అందులోనూ మెజార్టీ భామలు సంజయ లీలా భ‌న్సాలీ పేరు చెబుతుంటారు. ఆయ‌న తెర‌కెక్కించిన విజువ‌ల్స్ వండ‌ర్స లో ఒక్క‌సారైనా భాగం కావాల‌ని కోరుకునే హీరోయిన్లు ఎంతో మంది. క‌ళాత్మ‌క చిత్రాలు తెర‌కెక్కించ‌డం ఇండియాలో ఆయ‌నకొక్క‌డే సాధ్యం అన్న‌ది అంతే వాస్త‌వం. ఈ నేప‌థ్యంలో హీరోయిన్లు అంతా కెరీర్ ముగిసేలోపు ఆయ‌న‌తో ఒక్క సినిమా అయినా చేయాల‌ని ఆశిస్తుంటారు.

టాలీవుడ్ లో ఫెయిలైన భామ‌ల ద‌గ్గ‌ర నుంచి స‌క్సెస్ అయిన వారు కూడా ఇదే మాట చెబుతుంటారు. అభిమాన ద‌ర్శ‌కుడు ఎవ‌రంటే? భ‌న్సాలీ పేరే చెబుతుంటారు. ఈ ఒర‌వ‌డి చూస్తుంటే? హీరోయిన్లు మెచ్చే ద‌ర్శ‌కులు ఇండియాలో ఇంకెవ్వ‌రు లేరా? అన్న సందేహం ఒక్కోసారి వ‌చ్చేస్తుంది. అయితే భ‌న్సాలీకి ధీటుగా టాలీవుడ్ నుంచి రాజ‌మౌళి పేరు వినిపిస్తుంది అన్న‌ది అంతే వాస్త‌వం. `ఈగ‌`..`బాహుబ‌లి`...`ఆర్ ఆర్ ఆర్` లాంటి పాన్ ఇండియా సినిమాల‌తో వ‌ర‌ల్డ్ లోనే ఎంతో ఫేమ‌స్ అయ్యారు.

తెలుగు సినిమా ఖ్యాతిని ప్ర‌పంచానికి చాటి చెప్పిన ద‌ర్శ‌కుడు. ఈనేప‌థ్యంలో సంజ‌య్ లీలా భ‌న్సాలీ త‌ర్వాత అంత‌టి ఛ‌రిష్మా ఉన్న ద‌ర్శ‌కుడిగా రాజ‌మౌళికి ఉంది. జ‌క్క‌న్న ఇంత‌వ‌ర‌కూ లేడీ ఓరియేంటెడ్ చిత్రాలేవి తెర‌కెక్కించ‌లేదు. హీరోల క‌టౌట్లు..స్టార్ డ‌మ్ ని బేస్ చేసుకునే సినిమాలు చేస్తున్నారు. ఆయన సీరియ‌స్ గా లేడీ ఓరియేంటెడ్ చిత్రాల‌పై దృష్టి పెడితే స్టార్ హీరోయిన్ల‌కు అత‌డు డ్రీమ్ డైరెక్ట‌ర్ గా మారిపోతాడు అన‌డంలో ఎలాంటి సందేహం లేదు.

బాహుబ‌లి అనుష్క‌...త‌మ‌న్నాల పాత్ర‌ల్ని ఎంత అందంగా మ‌లిచాడో తెలిసిందే. దేవ‌కన్య‌లా త‌మ‌న్నాని ఎంతో అందంగా ప్రోజెక్ట్ చేసాడు. సినిమాలో ఆ కాసేపు స‌న్నివేశాలు ఓ కొత్త వ‌ర‌ల్డ్ లోకి తీసుకెళ్లాయి. జ‌క్క‌న్న సీరియ‌స్ గా ఇదే బేస్ లో సినిమాలు చేస్తే ఎన్నో వండ‌ర్స్ క్రియేట్ చేయ‌గ‌ల‌రు. ఈ సంగ‌తి అనుష్క ముందే ప‌సిగట్టింది. అందుకే త‌న అభిమాన ద‌ర్శ‌కుడు రాజ‌మౌళి అని ఎప్పుడో చెప్పేసింది.