తీవ్రంగా మ‌నస్తాపం చెందిన హృతిక్ ప్రియురాలు!
సబా నెటిజ‌న్‌కు త‌న‌దైన శైలిలో బదులిచ్చారు- ``అందరిలాగే నేను కూడా రెగ్యులర్‌గా ట్రోలింగుకి గుర‌వుతున్నాను.
హృతిక్ రోషన్ గర్ల్‌ఫ్రెండ్ సబా ఆజాద్ ఇట‌వ‌ల యూత్ లో ట్రెండీ టాపిక్. సబా అత‌డిని విడిచి ఏనాడూ ఒంట‌రిగా క‌నిపించ‌దు. గ్రీక్ గాడ్ ని కొంగున క‌ట్టేసుకుని తిరుగుతోంది అంటూ అభిమానులు కామెంట్లు చేస్తున్నారు. ఇంత‌కుముందు ప్రియుడు హృతిక్ తో సబా విదేశీ విహార‌యాత్ర‌లు అంత‌ర్జాలంలో చ‌ర్చ‌కు వ‌చ్చాయి. ఈ జంట ముంబైలో ఒకే ఇంట్లో నివాసం ఉంటున్నార‌ని కూడా మీడియాలో క‌థ‌నాలు వైరల్ అయ్యాయి.
తాజాగా సబా వైరల్ డ్యాన్స్ వీడియో సంచ‌ల‌నంగా మారింది. ఈ వీడియో వీక్షించిన నెటిజ‌నులు త‌న‌ను తీవ్రంగా ట్రోల్ చేసారు. మీకు పిచ్చేమైనానా? థెరపీ చేయించుకోండి! అంటూ ట్రోల్ చేయ‌డంతో సబా తీవ్రంగా మ‌న‌స్తాపానికి గురైంది. అంతేకాదు త‌న‌ను అలా అన్నందుకు ట్రోల్‌పై సబా స్పందించింది. సబా ఆజాద్ ఇటీవల లాక్మే ఫ్యాషన్ వీక్ 2023లో ర్యాంప్‌పై నడిచారు. ఆమె ర్యాంప్ వాక్ చేసిన కొద్ది క్షణాల తర్వాత, వేదికపై వింతైన మూవ్స్ తో డ్యాన్స్ చేయడం ప్రారంభించింది. ఈ వీడియో సోషల్ మీడియాలో ట్రోల్స్ దాడికి కార‌ణ‌మైంది. సబా వెంట‌నే చికిత్స తీసుకోవాలని ఒక నెటిజ‌న్ కామెంట్ చేసారు.
సబా నెటిజ‌న్‌కు త‌న‌దైన శైలిలో బదులిచ్చారు- ``అందరిలాగే నేను కూడా రెగ్యులర్‌గా ట్రోలింగుకి గుర‌వుతున్నాను. ద్వేషంతో నిండిన ప్రపంచంలో మ‌నం ఉన్నాం. ఇది (వీడియో) మీ ట్యాంకు(పొట్ట)లను నింపడంలో సహాయపడుతుంది. ఇతరుల ఉనికిని చూసి అంతగా బాధించకుండా ఉంటుంది. నిరంతరం ద్వేషం నా వైపు మ‌ర‌లుతోంది. అందుకే నేను మేల్కొని ఉండాలి. ఈ రోజు మంచి రోజు కావచ్చు.. నవ్వుతూ దీనిని కొనసాగించాన‌ని అనుకుంటున్నా. నేను పిచ్చిగా ఉన్నాను.. ఎందుకంటే ప్రపంచం నిజానికి మీలాంటి వారితో నిండిపోయి ఉంది. ఇలాంటి వారంతా స్క్రీన్‌ల వెనుక కూర్చొని, ప్రపంచంలో ద్వేషం నింప‌డం తప్ప ఇంకేమీ చేయ‌రు. అది మీ వారసత్వం... అని కౌంట‌ర్ వేసారు సబా.
ఇదంతా వైరల్ భయానీ పనే:
నటి కం గాయని సబా కొన్ని సరదా హిప్-హాప్ స్టెప్పులతో ఉద్వేగంగా క‌నిపించిన వీడియోని అధికారిక ఇన్‌స్టాగ్రామ్ హ్యాండిల్‌లో ఉంచుతూ, వైరల్ భయానీ పోస్ట్‌కి క్యాప్షన్ ఇచ్చాడు. ``సబా ఆజాద్ ర్యాంప్‌ను మ‌రిగిస్తోంది. ఆమె ఎలా కదిలిందో చూడండి! లాక్మే ఫ్యాషన్ వీక్‌లో ఆత్మ‌విశ్వాసంతో వేదికపైకి వెళ్లడం చూడండి... అని వ్యాఖ్య‌ను జోడించాడు. ఈ వీడియో ఇలా నెట్ లోకి రాగానే యూత్ చెల‌రేగి కామెంట్లు చేసారు. మ‌తి త‌ప్పి పిచ్చి ప‌ట్టి ఇలా చేస్తోందా? అని వ్యాఖ్యానించారు. వెంట‌నే థెరపీ చేయించుకోవాల‌ని సూచించారు. నిజానికి కూల్ గా ఉండే సబా త‌న‌ను కామెంట్ చేసిన వారికి ఒక ర‌కంగా సీరియ‌స్ గానే ఇచ్చి ప‌డేసింద‌ని నెటిజ‌నుల‌కు అర్థ‌మైంది.
సబా ఆజాద్ తదుపరి ఏమిటి?
సబా ఆజాద్ `రాకెట్ బాయ్స్‌`లో పిప్సీ పాత్రతో ఖ్యాతిఘ‌డించింది. ఇది భారతీయ శాస్త్రవేత్తలు - హోమీ జహంగీర్ బాబా- విక్రమ్ సారాభాయ్ జీవితాలపై రూపొందింది. ప్రస్తుతం ఆమె హృతిక్ రోషన్‌తో డేటింగ్ చేస్తున్న ఈ భామ న‌టిగా కెరీర్‌పైనా దృష్టి సారించారు. ఇటీవల అమెజాన్ మినీ-సిరీస్ `హూ ఈజ్ యువర్ గైనక్‌`తో తెరపైకి వచ్చింది. వ్యక్తిగత వృత్తిపరమైన జీవితంలో సమతుల్యతను సాధించడానికి ప్రయత్నించే గైన‌కాల‌జిస్ట్ పాత్రలో సబా కనిపించింది.