బాలీవుడ్‌ స్టార్ ప్లేస్‌లో 'సలార్‌' స్టార్..!
మేఘనా గుల్జార్‌ రూపొందిస్తున్న 'దైరా' సినిమా హిందీ సినిమా ప్రేక్షకుల్లోనే కాకుండా సినీ వర్గాల్లోనూ ఆసక్తి నెలకొంది.
మేఘనా గుల్జార్‌ రూపొందిస్తున్న 'దైరా' సినిమా హిందీ సినిమా ప్రేక్షకుల్లోనే కాకుండా సినీ వర్గాల్లోనూ ఆసక్తి నెలకొంది. ఈ సినిమాలో మొదట ఆయుష్మాన్ ఖురానా అనుకోవడం జరిగింది. కానీ డేట్ల ఇష్యూ రావడంతో పాటు ఇతర కారణాల వల్ల దైరా నుంచి ఆయుష్మాన్ ఖురానా తప్పుకోవడం జరిగింది. ఆయుష్మాన్ ఖరానా తప్పుకోవడంతో ప్రాజెక్ట్ ఆగిపోయిందనే ప్రచారం జరిగింది. కానీ వెంటనే బాలీవుడ్‌ మరో యంగ్‌ సక్సెస్ స్టార్ సిద్దార్థ్‌ మల్హోత్రా హీరోగా ఈ సినిమా రూపొందబోతుందనే వార్తలు వచ్చాయి. ఆయన సైతం సినిమాకు ఓకే చెప్పాడని, కానీ డేట్లు వెంటనే ఇవ్వలేనని చెప్పడం జరిగిందట. ఆయుష్మాన్, సిద్దార్థ్‌ లు దైరా నుంచి తప్పుకోవడంతో ఇప్పుడు మలయాళ స్టార్ నటుడు పృథ్వీరాజ్ సుకుమారన్‌ ఎంట్రీ ఇవ్వబోతున్నారు.
మలయాళంతో పాటు పాన్ ఇండియా స్థాయిలో పృథ్వీరాజ్ సుకుమారన్‌ కి మంచి పేరు ఉంది. హిందీలో ఇప్పటికే పలు సినిమాల్లో నటించడం ద్వారా గుర్తింపు దక్కించుకున్న పృథ్వీరాజ్‌తో ఈ సినిమాను చేయాలని మేఘనా గుల్జార్‌ నిర్ణయానికి వచ్చారని తెలుస్తోంది. ఈ సినిమాలో పృథ్వీరాజ్ కి జోడీగా బాలీవుడ్‌ స్టార్ హీరోయిన్‌ కరీనా కపూర్‌ ఖాన్‌ నటిస్తున్నారు. పోలీస్‌ ఆఫీస్‌గా లీడ్‌ రోల్‌ను పృథ్వీరాజ్ ఈ సినిమాలో పోషించబోతున్నారు. బాలీవుడ్‌తో పాటు ఈ సినిమాను పాన్ ఇండియా రేంజ్‌లో విడుదల చేసే విధంగా గుల్జార్‌ ఈ సినిమాను రూపొందించనున్నట్లుగా తెలుస్తోంది.
బాలీవుడ్‌ కి చెందిన ఇద్దరు స్టార్స్‌ తప్పుకోవడంతో వారి స్థానంలో 'దైరా' సినిమాలో ఛాన్స్ దక్కించుకున్న పృథ్వీరాజ్ కచ్చితంగా సినిమాకు, తాను పోషించే పాత్రకు న్యాయం చేస్తాడనే నమ్మకంను ప్రతి ఒక్కరు వ్యక్తం చేస్తున్నారు. ఈ మధ్య కాలంలో ఆయన నుంచి వచ్చిన ఆడు జీవితం ఎంతటి విజయాన్ని సొంతం చేసుకుందో తెల్సిందే. ఆ సినిమా కోసం పృథ్వీరాజ్ సుకుమారన్‌ పదుల కేజీల బరువును తగ్గడం ద్వారా చాలా సన్నగా మారారు. సినిమా విడుదల తర్వాత గ్యాప్‌ తీసుకుని తన యధావిధి రూపంకు వచ్చారు.
ప్రభాస్‌, ప్రశాంత్‌ నీల్‌ కాంబోలో వచ్చిన సలార్‌లో పృథ్వీరాజ్ సుకుమారన్‌ కీలక పాత్రలో నటించి మెప్పించాడు. సలార్‌ 2 లో పృథ్వీరాజ్ పాత్ర మరింత ప్రధానంగా ఉంటుందని, యాక్షన్‌ సన్నివేశాలు హైలైట్‌గా ఉంటాయనే ప్రచారం జరుగుతోంది. మొత్తానికి పృథ్వీరాజ్ మరోసారి పాన్ ఇండియా రేంజ్‌లో సలార్‌ 2 తో అలరించే అవకాశాలు ఉన్నాయి. సలార్‌ 2 తో పాటు హిందీలో నటిస్తున్న దైరా సినిమాతోనూ పృథ్వీరాజ్ మెప్పిస్తాడని ఆయన ఫ్యాన్స్ నమ్మకంగా ఉన్నారు. ఒక వైపు నటుడిగా వరుస సినిమాలు చేస్తూ మరో వైపు దర్శకత్వంలోనూ సినిమాలు చేస్తున్నాడు. ఇప్పటి వరకు పృథ్వీరాజ్ దర్శకత్వంలో వచ్చిన పలు సినిమాలు మంచి విజయాన్ని సొంతం చేసుకున్నాయి. కనుక త్వరలో ఆయన దర్శకత్వంలో మరో సినిమా సైతం వచ్చే అవకాశాలు ఉన్నాయి.