టీం ఇండియా స్టార్ క్రికెటర్ గా చరణ్?
ఈ మధ్య కాలంలో సినిమా ఇండస్ట్రీలో బయోపిక్ లు కామన్ అయ్యాయి. ముందు ముందు కూడా పలువురు ప్రముఖుల కథ లతో బయోపిక్ లు ప్రేక్షకుల ముందుకు రాబోతున్నాయి.
ఈ మధ్య కాలంలో సినిమా ఇండస్ట్రీలో బయోపిక్ లు కామన్ అయ్యాయి. ముందు ముందు కూడా పలువురు ప్రముఖుల కథ లతో బయోపిక్ లు ప్రేక్షకుల ముందుకు రాబోతున్నాయి. అందుకు తగ్గట్లుగానే చర్చలు జరుగుతున్నాయి. ఇప్పటికే పలువురు టీం ఇండియా మాజీ క్రికెటర్ ల మరియు ప్రస్తుత క్రికెటర్ ల బయోపిక్ లు వచ్చాయి. మరి కొన్ని క్రికెటర్ ల బయోపిక్ లు రాబోతున్నాయి.
బాలీవుడ్ వర్గాల నుండి అందుతున్న సమాచారం టీం ఇండియా స్టార్ క్రికెటర్ విరాట్ కోహ్లీ బయోపిక్ కు చర్చలు జరుగుతున్నాయి. ప్రముఖ నిర్మాణ సంస్థ ఈ బయోపిక్ కోసం భారీ ఎత్తున ఏర్పాట్లు చేస్తున్నట్లు సమాచారం అందుతోంది. విరాట్ కోహ్లీ తో ఇప్పటికే చర్చలు జరపడంతో పాటు, కోహ్లీ ని కూడా నిర్మాణ భాగస్వామిగా చేర్చినట్లు తెలుస్తోంది.
ఈ బయోపిక్ బాధ్యతను ట్యాలెంటెడ్‌ డైరెక్టర్ కి అప్పగించే యోచనలో ఉన్నారు. ఇక విరాట్ కోహ్లీ పాత్ర ను ఎవరు చేస్తే బాగుంటుందని సుదీర్ఘ మంతనాల తర్వాత రామ్ చరణ్ ని సంప్రదించారనే సమాచారం అందుతోంది. గతంలో ఒక ప్రముఖ మీడియా ఇంట్రాక్షన్ లో చరణ్ మాట్లాడుతూ కోహ్లీ బయోపిక్ లో నటించాలని ఉందన్నట్లుగా వ్యాఖ్యలు చేశాడు.
రామ్ చరణ్ ఆసక్తి నేపథ్యం లో కోహ్లీ బయోపిక్ కు ఆయన అయితే బాగుంటుందని నిర్మాతలు కూడా భావించారట. కోహ్లీ బయోపిక్ కోసం చరణ్ అయితే సరిగ్గా సెట్‌ అవుతాడ అంటూ నిర్మాతలు మాత్రమే కాకుండా పలువురు అభిప్రాయం వ్యక్తం చేయడంతో పాటు చరణ్ వైపు నుండి కూడా ఆసక్తి ఉండటం వల్ల ఎంత త్వరగా వీలైతే అంత త్వరగానే ఈ బయోపిక్ మొదలయ్యే అవకాశాలు కనిపిస్తున్నాయి.
ప్రస్తుతం రామ్ చరణ్ గేమ్ ఛేంజర్ సినిమాను శంకర్ దర్శకత్వంలో చేస్తున్నాడు. మరో వైపు బుచ్చిబాబు సినిమా కు కూడా కమిట్ అయ్యాడు. ఇదే ఏడాది లో సినిమా ను పట్టా లెక్కించేందుకు గాను ప్రయత్నాలు జరుగుతున్నాయి. ఈ రెండు సినిమాల తర్వాత కోహ్లీ బయోపిక్ ను చరణ్ మొదలు పెట్టే అవకాశం ఉంది. అంటే వచ్చే ఏడాది ద్వితీయార్థం లో ఉండవచ్చు అనేది ఇండస్ట్రీ వర్గాల అంచనా.