పుష్ప 2.. ఆమె ట్విస్ట్ అసలు ఊహించలేదే

కేవలం తెలుగు ప్రేక్షకులే కాదు.. ఇండియా వ్యాప్తంగా ఉన్న సినిమా అభిమానులంతా ఒకే ఒక మూవీ కోసం చాలా కాలంగా ఆసక్తిగా ఎదురు చూస్తున్నారు. అదే.. ‘పుష్ప ది రూల్’. క్రియేటివ్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా నటిస్తున్న ఈ చిత్రంపై ఏ రేంజ్‌లో హైప్ ఉందో ప్రత్యేకంగా చెప్పనక్కర్లేదు. అంతలా దీన్ని భారీ స్థాయిలో యాక్షన్‌తో తెరకెక్కిస్తున్నారు.

అద్భుతమైన విజయాన్ని సాధించిన ‘పుష్ప ది రైజ్’ మూవీకి సీక్వెల్‌గా వస్తున్న ‘పుష్ప ది రూల్’ మూవీని డిసెంబర్ 5వ తేదీన ప్రపంచవ్యాప్తంగా పది వేలకు పైగా థియేటర్లలో విడుదల చేసేందుకు నిర్మాతలు సన్నాహాలు చేస్తున్నారు. ఇప్పటికే దీనికి సంబంధించిన థియేట్రికల్ బిజినెస్‌తో పాటు రిలీజ్ ఏర్పాట్లు కూడా చకచక జరుగుతున్నాయి. దీంతో ఈ మూవీ హడావిడి ఇప్పటి నుంచే కనిపిస్తోంది.

‘పుష్ప ది రూల్’ మూవీకి సంబంధించిన ప్రమోషన్ కార్యక్రమాలను చిత్ర యూనిట్ త్వరలోనే ప్రారంభించబోతోంది. ఈలోపులోనే ఈ సినిమాలోని స్పెషల్ సాంగ్‌ను చిత్రీకరించాలని దర్శకుడు సుకుమార్ ప్లాన్ చేస్తున్నాడు. ఇందుకోసం సమంత రూత్ ప్రభు పాటు శ్రీలీలను తీసుకున్నారని కొద్ది రోజులుగా జోరుగా ప్రచారం జరుగుతుంది. ఈ నేపథ్యంలో దీనిపై తాజాగా ఓ షాకింగ్ న్యూస్ లీకైంది.

‘పుష్ప ది రైజ్’ చిత్రంలో సామ్ ‘ఊ అంటావా మావ ఊఊ అంటావా మావ’ అంటూ స్పెషల్ సాంగ్ చేసి దేశం మొత్తాన్ని ఊపేసిన విషయం తెలిసిందే. అందుకే ఆమె క్రేజ్ ను సెకండ్ పార్ట్ కు కూడా కంటిన్యూ చేయాలని అనుకున్నారు. కానీ ఇంతలోనే ఆమె ట్విస్ట్ ఇచ్చినట్లు తెలుస్తోంది. ఫిలిం నగర్ ఏరియాలో వైరల్ అవుతోన్న సమాచారం ప్రకారం.. ‘పుష్ప ది రూల్’ సినిమాలో సమంత రూత్ ప్రభు స్పెషల్ సాంగ్‌ను చేయడం లేదట.

ఇప్పటికే దీనిపై దర్శకుడు సుకుమార్‌కు ఆమె సమాచారం కూడా ఇచ్చేసినట్లు తెలిసింది. అయితే, సమంత రూత్ ప్రభు ఈ సాంగ్‌ను ఎందుకు చేయడం లేదు అన్న దానిపై మాత్రం ఇప్పటి వరకూ ఎలాంటి క్లారిటీ రాలేదు. ఐకాన్ స్టార్ అల్లు అర్జున్ హీరోగా నటిస్తోన్న ‘పుష్ప ది రూల్’ మూవీలో స్పెషల్ సాంగ్ నుంచి సమంత రూత్ ప్రభు తప్పుకోవడంతో ఇప్పుడు ఆమె స్థానంలో బాలీవుడ్ హీరోయిన్‌ను తీసుకోవాలని సుకుమార్ డిసైడ్ అయినట్లు తెలిసింది. ఇప్పటికే ఆయన కొన్ని పేర్లను కూడా పరిశీలించినట్లు సమాచారం. ఒక్కసారి ఫైనల్ అయిన తర్వాత దీనిపై ప్రకటన చేస్తారనే టాక్ వినిపిస్తోంది. మొత్తానికి సమంత రూత్ ప్రభు ‘పుష్ప ది రూల్’ సినిమా నుంచి సాంగ్ చేయకుండా తప్పుకుంది అన్న వార్త ఇప్పుడు సెన్సేషన్ అవుతోంది.