ప్రొడ్యూసర్ అవతారం ఎత్తిన సమంత

సౌత్ ఇండియన్ స్టార్ హీరోయిన్ సమంత ఈ ఏడాది శాకుంతలం, ఖుషి సినిమాలతో ప్రేక్షకుల ముందుకి వచ్చింది. ఇందులో శాకుంతలం డిజాస్టర్ కాగా, ఖుషి ఎవరేజ్ టాక్ తో గట్టెక్కింది. ఈ రెండు చిత్రాల తర్వాత యాక్టింగ్ కి కొంతకాలం విరామం ఇచ్చింది. మయోసైటిస్ ట్రీట్మెంట్ కారణంగా వీక్ కావడం తిరిగి రికవరీ అయ్యే పనిలో ఉంది. తనని తాను స్ట్రాంగ్ గా మార్చుకోవడానికి, మెంటల్ గా రిలాక్షేషన్ తీసుకుంది

వచ్చే ఏడాది మరల నటిగా ఆమె సినిమాలు స్టార్ట్ అయ్యే అవకాశం ఉంది. అయితే ఇప్పుడు ఎక్కువగా ఫిమేల్ సెంట్రిక్ కథలు చేయడంతో పాటు బాలీవుడ్ పైన సామ్ ఫోకస్ పెట్టింది. సిటాడెల్ ఇండియన్ వెర్షన్ వెబ్ సిరీస్ లో ఆమె నటిస్తోంది. ఇదిలా ఉంటే సినిమాలకి విరామం ఇచ్చిన ఫోటోషూట్ లతో మాత్రం సోషల్ మీడియాలో అమ్మడు యాక్టివ్ గానే ఉంటుంది.

రెగ్యులర్ గా తనకి సంబందించిన అప్డేట్స్ ఇస్తూ న్యూస్ లో ఉంటోంది. హిందీలో ఒక సింగింగ్ రియాలిటీ షోకి జడ్జ్ గా తాజాగా సమంత వెళ్ళింది. ఇదిలా ఉంటే సామ్ నిర్మాతగా కొత్త జర్నీ స్టార్ట్ చేయబోతుంది. తాజాగా బ్యానర్ పేరు ప్రకటించి ఈ విషయాన్ని ధృవీకరించింది. ట్రలాల మూవింగ్ పిక్చర్స్ గా తన కొత్త ప్రొడక్షన్ హౌస్ పేరుని సమంత ప్రకటించింది.

మండోవా మీడియా వర్క్స్ తో కలిసి ఈ సంస్థని ఏర్పాటు చేశారు. న్యూ జెనరేషన్ కంటెంట్ ని ఎంకరేజ్ చేసే ఉద్దేశ్యంతో ఈ ప్రొడక్షన్ హౌస్ స్టార్ట్ చేసినట్లు సమంత స్పష్టం చేసింది. లోబడ్జెట్ సినిమాలు, వెబ్ సిరీస్ లు ట్రలాల మూవీ పిక్చర్స్ బ్యానర్ పైన నిర్మించనున్నట్లు తెలియజేసింది. త్వరలో ఈ ప్రొడక్షన్ హౌస్ లో సినిమాని ఎనౌన్స్ చేసే అవకాశం ఉందని తెలుస్తోంది.

టాలీవుడ్ లో హీరోయిన్ గా సక్సెస్ అయ్యి ప్రొడక్షన్ హౌస్ పెట్టిన బ్యూటీస్ అతి తక్కువ మంది ఉన్నారు. వారిలో ఇప్పుడు సమంత కూడా చేరుతూ ఉండటం విశేషం. నయనతార తర్వాత సౌత్ నుంచి ప్రొడ్యూసర్ గా మారిన స్టార్ హీరోయిన్ గా సమంత నిలిచింది.