RRR రాజమౌళి.. వేరే లెవెల్ అంటున్న హీరో..!

బాహుబలి తర్వాత రాజమౌళి డైరెక్ట్ చేసిన సినిమా ఆర్.ఆర్.ఆర్. ఈ సినిమా రాజమౌళికి ఇంటర్నేషనల్ లెవెల్ లో గుర్తింపు తెచ్చింది. హాలీవుడ్ మేకర్స్ అంతా కూడా రాజమౌళి వర్క్ ని మెచ్చుకున్నారు. ఐతే ఆర్.ఆర్.ఆర్ సినిమాలో వర్క్ చేసిన సత్యదేవ్ కూడా రాజమౌళితో వర్కింగ్ ఎక్స్ పీరియన్స్ గురించి చెప్పాడు. RRRలో రాజమౌళి గారితో కలిసి పనిచేయడం ఒక మర్చిపోలేని గొప్ప అనుభూతి అని అన్నాడు. ఆయన ఎందుకు అంత స్పెషల్ అన్నది ఆయనతో పనిచేశాక తెలిసిందని సత్యదేవ్ అన్నాడు.

RRR సినిమాలో సత్యదేవ్ నటించాడు కానీ అతని సీన్స్ అన్నీ లేపేశారు. రీసెంట్ గా జీబ్రా సినిమా ప్రమోషన్స్ లో భాగంగా RRR లో తాను నటించిన విషయాన్ని రివీల్ చేశాడు సత్యదేవ్. అప్పటినుంచి RRR లో సత్యదేవ్ ఏ పాత్ర చేశాడు ఎవరితో కలిసి నటించాడు అన్న ప్రశ్నలు ఎదురయ్యాయి. వీటికి ఆన్సర్ ఇస్తూ సత్యదేవ్ తాను ఎన్ టీ ఆర్ తో కలిసి సీన్ చేశానని.. కాకపోతే నిడివి ఎక్కువ అవ్వడం వల్లో మరో కారణమో కానీ తన సీన్స్ ట్రిం చేసినట్టు చెప్పాడు.

సత్యదేవ్ నటించిన జీబ్రా ఇటీవలే ప్రేక్షకుల ముందుకు వచ్చింది. ఈ సినిమాకు ఆడియన్స్ నుంచి మంచి రెస్పాన్స్ వచ్చింది. ఈ సినిమా ప్రమోషన్స్ లో ఎప్పుడైతే సత్యదేవ్ RRR లో తాను కూడా నటించానని చెప్పాడో అప్పటి నుంచి అతను కనబడితే చాలు జీబ్రా కన్నా ముందు ఆర్.ఆర్.ఆర్ లో అతని పాత్ర గురించి వివరాలు అడుతున్నారు.

కెరీర్ మొదట్లో సైడ్ రోల్స్ చేస్తూ వచ్చిన సత్యదేవ్ లీడ్ హీరోగా కూడా వెరైటీ కథలతో సినిమాలు చేస్తున్నాడు. ఐతే సత్యదేవ్ కథలు బాగున్నా కూడా సినిమాలు ఎందుకో ఆశించిన స్థాయిలో వర్క్ అవుట్ అవ్వవు. కమర్షియల్ సక్సెస్ రేటులో సత్యదేవ్ చాలా వెనుకబడి ఉన్నాడు. జీబ్రా తో అది బ్రేక్ చేయాలని చూసిన సత్యదేవ్ కొంతమేరకు సక్సెస్ అయ్యాడని చెప్పాలి. సత్యదేవ్ సినిమా అంటే కచ్చితంగా కంటెంట్ కొత్తగా ఉంటుంది అనే నమ్మకాన్ని నిలబెట్టుకున్నాడు. ప్రస్తుతం జీబ్రా రిలీజ్ అవ్వగా నెక్స్ట్ సత్యదేవ్ ఫుల్ బాటిల్ తో పాటు గరుడ సినిమా చేస్తున్నాడు. గరుడ చాప్టర్ 1 షూటింగ్ దశలో ఉంది. ఇవే కాకుండా సత్యదేవ్ వెబ్ సీరీస్ లు కూడా చేస్తున్నాడు.