వీడియో : శ్రియ కూతురుకి ఏం నేర్పుతుందో చూడండి!

టాలీవుడ్‌లో రెండు దశాబ్దాల క్రితం హీరోయిన్‌గా పరిచయం అయిన ముద్దుగుమ్మ శ్రియా శరన్‌. తక్కువ సమయంలోనే టాలీవుడ్‌లో టాప్‌ స్టార్‌ హీరోలతో సినిమాలు చేసిన ఘనత శ్రియకి దక్కింది అనడంలో సందేహం లేదు. చిరంజీవి, బాలకృష్ణ, వెంకటేష్‌, నాగార్జున, మహేష్ బాబు, ప్రభాస్‌, పవన్‌, ఎన్టీఆర్‌ ఇలా సీనియర్‌ స్టార్‌ హీరోల నుంచి జూనియర్‌ స్టార్‌ హీరోల వరకు దాదాపు అందరు హీరోలతో సినిమాల్లో నటించడం ద్వారా అరుదైన రికార్డ్‌ను సైతం సొంతం చేసుకుంది. ఇప్పటికీ సినిమాల్లో నటిస్తున్న శ్రియ సోషల్‌ మీడియాలో చాలా యాక్టివ్‌గా ఉంటుంది అనే విషయం ప్రత్యేకంగా చెప్పనక్కర్లేదు.

కరోనా సమయంలో పెళ్లి, ప్రెగ్నెన్సీ అంటూ హడావుడి చేసిన శ్రియ పాపకు జన్మనిచ్చింది. కొంతమంది స్టార్స్ వారి పిల్లలను సోషల్‌ మీడియాలో చూపించకుండా హైడ్‌ చేస్తూ ఉంటారు. కానీ శ్రియ మాత్రం మొదటి నుంచే పాపను చూపించడంతో పాటు, తన వీడియోల్లో, ఫోటో షూట్స్ లో భాగం చేస్తూ ఉంటుంది. పాపను చూపించడం ద్వారా మరింతగా ఆమె సోషల్‌ మీడియా పోస్ట్‌లు వైరల్‌ అవుతున్నాయి. తాజాగా ఒక వీడియోతో శ్రియ, ఆమె పాప వైరల్‌ అవుతున్నారు. సాధారణంగా పిల్లలను షాపింగ్స్ అంటూ తిప్పుతారు, కానీ శ్రియ మాత్రం వ్యవసాయ క్షేత్రంకు తీసుకు వెళ్లడం ద్వారా అందరి దృష్టిని ఆకర్షించింది.

పంట నూర్పుతున్న విధానంను శ్రియ తన కూతురుకి తెలియజేస్తూ ఉంది. ఎలా పంటను నూర్పాలి అనే విషయాన్ని సైతం స్వయంగా తానే చేసి చూపిస్తూ ఉంది. శ్రియ తన కూతురు కు ఇలాంటి వాటిని గురించి చెప్పడం నిజంగా అభినందనీయం అంటూ కొందరు అభిప్రాయం వ్యక్తం చేస్తున్నారు. దుమ్ములోకి వెళ్తే అలర్జీ వస్తుందని, అనారోగ్యం చేస్తుందని కొందరు కనీసం బయటకు వెళ్లి ఆడుకునేందుకు పిల్లలను పంపించడం లేదు. అలాంటిది శ్రియ ఏకంగా పంట పొలాలకు తీసుకు వెళ్లి వ్యవసాయం గురించి చూపిస్తూ, ఆ పనులు ఎలా చేయాలి, ఎందుకు చేయాలి అనే విషయాలను చెప్పడం అనేది మంచి విషయంగా సోషల్‌ మీడియా జనాలు అభిప్రాయం వ్యక్తం చేస్తున్నారు.

శ్రియ సినిమాల విషయానికి వస్తే గతంలో మాదిరిగా వరుసగా హీరోయిన్‌గా ఆఫర్లు దక్కడం లేదు. కానీ వచ్చిన చిన్నా చితకా ఆఫర్లను సద్వినియోగం చేసుకుంటోంది. బాలీవుడ్‌లో సీనియర్‌ హీరోలకు జోడీగా నటించే అవకాశాలు అప్పుడప్పుడు వస్తున్న నేపథ్యంలో మరిన్ని సినిమాలను ఈమె చేసే అవకాశాలు ఉన్నాయి. తెలుగులోనూ లేడీ ఓరియంటెడ్ సినిమాలతో లేదా క్యారెక్టర్‌ ఆర్టిస్టుగానో సినిమాలు చేసేందుకు శ్రియా రెడీగా ఉన్నట్లుగా చెప్పుకొచ్చింది. ముందు ముందు తన సెకండ్ ఇన్నింగ్స్‌ని మొదలు పెట్టి శ్రియ మరిన్ని సినిమాలు చేస్తుందని ఆమె సన్నిహితులు చెబుతున్నారు.