బోట్ ఆగండి నా కోసం ఆగండి కీర్తి కంగారు!

ప్ర‌చారంలో నూతన ఒర‌వ‌డితో `రంగ్ దే` టీమ్ తొలి నుంచి ఆక‌ట్టుకుంది. నితిన్ - కీర్తి - వెంకీ అట్లూరి బృందం ఆన్ లొకేష‌న్ బోలెడ‌న్ని ఫ‌న్నీ గేమ్స్ ఆడారు. వాటినే విజువ‌ల్స్ గా క్రియేట్ చేసి  ప్ర‌చార సామాగ్రిలా ఉప‌యోగించ‌డంతో అది బాగానే వ‌ర్క‌వుటైంది. ప్ర‌తిదీ యువ‌త‌రానికి క‌నెక్ట‌య్యింది. ఇటీవ‌లే రిలీజైన ఈ సినిమాకి క్రిటిక్స్ మంచి మార్కులే వేయ‌డంతో వ‌సూళ్ల ప‌రంగానూ బెట‌ర్ అనిపిస్తోంద‌న్న రిపోర్ట్ వ‌చ్చింది.

ముఖ్యంగా ఎంచుకున్న కాన్సెప్ట్.. నితిన్ - కీర్తి జంట రొమాన్స్..అద్భుత న‌ట ప్ర‌ద‌ర్శ‌న ప్ర‌ధాన అస్సెట్స్ అన్న టాక్ వినిపించింది. ఇప్ప‌టికీ రంగ్ దే టీమ్ ప్ర‌చారంలో ఎక్క‌డా త‌గ్గ‌డం లేదు. తాజాగా కీర్తి సురేష్ షేర్ చేసిన ఓ ఫ‌న్నీ వీడియో అభిమానుల్లో వైర‌ల్ గా మారింది.

``బోట్ .. ఆగండి నా కోసం ఆగండి..`` అంటూ కీర్తి కంగారుగా ప‌ర‌గులు పెట్టేస్తోంది. ఎర్ర‌చీర‌లో సింపుల్ మేక‌ప్ తో క‌నిపిస్తున్న కీర్తి హైహీల్స్ వేసుకుని అంత వేగంగా ఎలా ప‌రిగెత్త‌గ‌లిగిందో కానీ.. ఆ కంగారు చూసి అస‌లేమైంది? అంటూ చూస్తున్నారంతా. వీడియోతో పాటు ``వీకెండ్ ఇలా ప‌రిగెత్తేస్తున్నా`` అన్న వ్యాఖ్య‌ను జోడించారు కీర్తి.

న‌దిలో బోట్ బ‌య‌ల్దేరేందుకు సిద్ధంగా ఉంది. అక్క‌డ బోట్ ‌బృందం వేచి చూస్తోంది. బోట్ ని అందుకునేందుకు కీర్తి వేగంగా ప‌రుగులు పెట్టేస్తోంది చివ‌రిలో ఊహించ‌ని ట్విస్టు.. బోట్ వ‌ద్ద‌కు చేరాక‌.. ఏది నా ఫోన్? అంటూ కీర్తి మ‌ళ్లీ కంగారు ప‌డింది. స్టాప్ స్టాప్ అంటూ త‌న‌నే వీడియో తీసే వ్య‌క్తిని వారించింది. ఓవ‌రాల్ గా మ‌హాన‌టిలోని ఫ‌న్ యాంగిల్ ఎంతో ఆక‌ర్షించింది. మొత్తానికి రంగ్ దేకి పాజిటివ్ వైబ్స్ రావ‌డంతో ఆ జోష్ కూడా కీర్తిలో క‌నిపిస్తోంది.