బాక్సాఫీస్ బ్లాస్ట్.. మరో చిన్న సినిమా బీభత్సం

ఎప్పుడు ఏ మూవీ ఆడియన్స్ కి కనెక్ట్ అవుతుందో చెప్పడం కష్టం. కొన్ని చిన్న సినిమాలు ఎలాంటి అంచనాలు లేకుండా రిలీజ్ అయ్యి మౌత్ టాక్ తో జనాల్లోకి వెళ్లిపోతాయి. లాంగ్ రన్ లో కలెక్షన్స్ సునామీ సృష్టిస్తాయి. తెలుగులో ఈ ఏడాది అలా బలగం, బేబీ సినిమాలు అంచనాలకి మించి రికార్డు కలెక్షన్స్ సొంతం చేసుకున్నాయి. ఇతర భాషలలో కూడా అలాంటి కోవలోకి కొన్ని సినిమాలు వస్తాయి.

మలయాళంలో రిలీజ్ అయినా ఆర్దీఎక్స్ మూవీ అలా అండర్ రేటెడ్ మూవీ జాబితాలోకి వస్తుంది. దుల్కర్ సల్మాన్ కింగ్ ఆఫ్ కోత మూవీతో పాటుగా ఈ చిత్రం రిలీజ్ అయ్యింది. కొత్త యాక్టర్స్ తోనే సుమారు 20 కోట్ల బడ్జెట్ తో యాక్షన్ బ్యాక్ డ్రాప్ కథతో ఈ మూవీ చేశారు. ఈ మూవీ రికార్డు స్థాయిలో కలెక్షన్స్ సొంతం చేసుకుంటూ మలయాళంలో బ్లాక్ బస్టర్ దిశగా దూసుకుపోతోంది.

ఓ వైపు తెలుగులో మిస్ శెట్టి మిస్టర్ పొలిశెట్టి హవా నడుస్తోంది, మరో వైపు ఇండియన్ వైడ్ గా జవాన్ మూవీ మానియా సాగుతోంది. ఇంత వేవ్ లో కూడా ఓవర్సీస్ లో ఆర్దీఎక్స్ మూవీ ఏకంగా 25 కోట్ల గ్రాస్ కలెక్ట్ చేయడం విశేషం. ఇక కేరళలో అయితే 15 రోజుల్లో 42 కోట్ల గ్రాస్ ని రాబట్టింది. రెస్ట్ ఆఫ్ ఇండియాలో 3 కోట్ల గ్రాస్ సొంతం చేసుకుంది. ఇలా ఇప్పటి వరకు 70 కోట్ల వరకు కలెక్షన్స్ ని ఆర్దీఎక్స్ మూవీ కలెక్ట్ చేయగలిగింది.

లాంగ్ రన్ లో ఈ కలెక్షన్స్ మరింత పెరిగే ఛాన్స్ ఉందనే టాక్ వినిపిస్తోంది. మలయాళంలో 20 కోట్ల బడ్జెట్ తో నిర్మించిన సినిమా అంటే పెద్ద రేంజ్ అని చెప్పాలి. అయితే హీరోలుగా చేసిన ముగ్గురు కుర్రాళ్ళు కొత్తవాళ్లు కావడంతో అండర్ రేటెడ్ మూవీగానే ప్రాజెక్ట్ అయ్యింది. దుల్కర్ సల్మాన్ సినిమాకి పోటీగా రిలీజ్ అయిన ఈ యాక్షన్ చిత్రం రేసులో టాప్ లోకి వచ్చింది.

లాంగ్ రన్ లో ఈ సినిమా కలెక్షన్స్ మరింత పెరిగే ఛాన్స్ ఉందనే మాట వినిపిస్తోంది. మరి ఈ మూవీపైన టాలీవుడ్ నిర్మాతలు ఏమైనా ఫోకస్ చేసి తెలుగులో డబ్బింగ్ చేసే ప్రయత్నం చేస్తారేమో చూడాలి.