2025 స‌మ్మ‌ర్ ని హీటెక్కించేది ఎంత‌మంది?

ఏడాది ముగింపు డిసెంబ‌ర్ ...కొత్త ఏడాది ఆరంభ నెల జ‌న‌వ‌రి రిలీజ్ తేదీలు లాక్ అయిన సంగ‌తి తెలిసిందే. అటుపై వ‌చ్చేది స‌మ్మ‌ర్. మ‌రి ఈ వేస‌వికి ఎన్ని సినిమాలు రిలీజ్ అవుతున్నాయి. ఎంత మంది హీరోలు బాక్సాఫీస్ వ‌ద్ద పోటీ ప‌డుతున్నారు అంటే కాంపిటీష‌న్ గ‌ట్టిగానే క‌నిపిస్తుంది. మార్చి 28న `హ‌రిహ‌ర‌వీర‌మ‌ల్లు` రిలీజ్ అవుతుంది. అదే రోజున విజ‌య్ దేవ‌ర‌కొండ 12వ చిత్రం రిలీజ్కి ఫిక్సైంది. ఇదే నెల‌లో మెగాస్టార్ చిరంజీవి న‌టిస్తోన్న `విశ్వంభ‌ర` కూడా రేసులో ఉంది. యూత్ స్టార్ నితిన్ త‌మ్ముడు వ‌స్తే ఫిబ్ర‌వ‌రిలో ఒకవేళ ఆ నెల మిస్ అయితే మార్చికి వ‌చ్చే అవ‌కాశం ఉంది.

మిగ‌తా హీరోల్ని ప‌క్క‌న బెడితే మార్చిలో చిరంజీవి- ప‌వ‌న్ క‌ళ్యాణ్ సినిమాలు రిలీజ్ అయితే చాలు. ఆ నెలంతా థియేట‌ర్లు దొరికే ప‌రిస్థితి ఉండ‌దు. అటుపై ఏప్రిల్ దూసుకొస్తుంది. ఈనెల‌లో భారీ పాన్ ఇండియా సినిమాలే రిలీజ్ కు ముస్తాబ‌వుతున్నాయి. ప్ర‌భాస్ న‌టిస్తోన్న `రాజాసాబ్` ఏప్రిల్ 10న రిలీజ్ అవుతుంది. ఈ సినిమా భారీ అంచ‌నాల మ‌ధ్య రిలీజ్ అవుతుంది. చాలా కాలం త‌ర్వాత ప్ర‌భాస్ చేస్తోన్న ఓ క‌మ‌ర్శియ‌ల్ చిత్ర‌మిది.

ఇక ఇదేనెల‌లో యంగ్ హీరో తేజ స‌జ్జా న‌టిస్తోన్న `మిరాయ్` రిలీజ్ అవుతుంది. ఏప్రిల్ 18న లాక్ చేసుకుంది. ఇది చరిత్ర ఆధారంగా తీస్తున్న చిత్ర‌మిది. ఇప్ప‌టికే రిలీజ్ అయిన ప్ర‌చార చిత్రాల‌కు మంచి రెస్పాన్స్ వ‌చ్చింది. హిట్ టాక్ వ‌చ్చిందంటే? `హ‌నుమాన్` వ‌సూళ్ల‌ను సైతం చెరిపేసే స‌త్తా ఉన్న చిత్ర‌మిది. అలాగే మంచు విష్ణు న‌టిస్తోన్న క‌న్న‌ప్ప కూడా ఏప్రిల్ 25న రిలీజ్ అవుతుంది. భారీ కాన్వాస్ పై తెర‌కెక్కిస్తోన్న చిత్ర‌మిది.

మంచు ఫ్యామిలీ వంద‌ల కోట్ల రూపాయలు ఖ‌ర్చు చేస్తోన్న చిత్ర‌మిది. ఇదే నెల‌లో మ‌రో పాన్ ఇండియా సంచ ల‌నం య‌శ్ న‌టిస్తోన్న `టాక్సిక్` కూడా రిలీజ్ అయ్యే అవ‌కాశం ఉంది. `కేజీఎఫ్` త‌ర్వాత య‌శ్ నుంచి రిలీజ్ అవుతున్న సినిమా కావ‌డంతో ఆయ‌న అభిమానులు ఎంతో ఎగ్జైట్ మెంట్ తో ఎదురు చూస్తున్నారు. ఇంకా `కాంతార` చాప్ట‌ర్ వ‌న్, హిట్-3 లాంటి సినిమాలు రిలీజ్ రేస్ లో ఉన్నాయి. విశ్వ‌న‌టుడు క‌మ‌ల్ హాస‌న్ న‌టిస్తోన్న `థ‌గ్ లైప్` కూడా ప్రేక్ష‌కుల ముందుకు వ‌స్తుంది.