పిక్ టాక్‌ : ఆపరేషన్ తర్వాత గుర్తు పట్టలేనంత మార్పు
తెలుగు సినీ ప్రేక్షకులకు అదితి రావ్‌ హైదరి గురించి ప్రత్యేకంగా పరిచయం చేయనక్కర్లేదు.
తెలుగు సినీ ప్రేక్షకులకు అదితి రావ్‌ హైదరి గురించి ప్రత్యేకంగా పరిచయం చేయనక్కర్లేదు. తెలుగు తో పాటు తమిళం మరియు హిందీల్లో ఎన్నో సినిమాల్లో నటించి దశాబ్ద కాలంగా ప్రేక్షకులను అలరిస్తున్న అదితి రావు హైదరి ఇప్పుడు గుర్తించలేనంత గా మారింది.
ఆమె గురించి ఆమె బయటకు వెళ్లినప్పుడు తాను ఫలానా అని పరిచయం చేసుకోవాల్సిన పరిస్థితి ఏర్పడింది. ఆమె చేయించుకున్న ఆపరేషన్ కారణంగా ఆమెను చాలా మంది కనీసం గుర్తించడం లేదు. ఆమె ఆపరేషన్ కి ముందు, ఆపరేషన్ కి తర్వాత అన్నట్లుగా సోషల్ మీడియాలో వైరల్ అవుతున్న ఫోటోలు షాకింగ్‌ గా ఉన్నాయి.
అదితి తన ముక్కు కి సంబంధించిన ప్లాస్టిక్ సర్జరీ చేయించుకుంది. దాంతో ఆమె మొహం పూర్తిగా మారి పోయినట్లుగా ఉంది. కనీసం ఈమె ఆమెనే అన్నట్లుగా కూడా లేదు. దాంతో అసలు ఆపరేషన్ ఎందుకు చేయించుకున్నావు అంటూ ఆమె ఫ్యాన్స్ అసంతృప్తి వ్యక్తం చేస్తున్నారు.
గతంలో అదితి ముక్కు కాస్త పెద్దగా ఉండేది. అయినా కూడా చాలా అందంగా, బాలీవుడ్‌ స్టార్ హీరోయిన్స్ ను మించిన అందంతో ఉండేది. కానీ ఇప్పుడు మాత్రం ఈ అమ్మడి అందం విషయంలో స్వయంగా ఫ్యాన్స్ పెదవి విరుస్తున్నారు. ముక్కు సన్నగా నాజూకుగా అయినా కూడా అబ్బే అంటూ అసంతృప్తితో ఉన్నారు.
అదితి అన్ని భాషల్లో నటిస్తూ ఎప్పుడూ బిజీగానే ఉంటుంది. అలాంటి అదితి ఎందుకు ఆపరేషన్ చేయించుకోవాల్సి వచ్చింది. మారిన మొహం కారణంగా అదితి కి ఆఫర్లు వస్తాయా అంటే డౌటే అన్నట్లుగా నెటిజన్స్ కామెంట్స్ చేస్తున్నారు.