తమిళనాట రాజకీయాలు ఎప్పుడూ సినిమా వాళ్ల చుట్టూనే తిరుగుతుంటాయి. ప్రస్తుత ముఖ్యమంత్రి జయలలితది సినీ నేపథ్యమే. గత ముఖ్యమంత్రి కరుణానిధి కూడా సినిమా వాడే. చరిత్రలోకి వెళ్లి చూసినా ఎమ్జీఆర్ కనిపిస్తాడు. ప్రస్తుతం తమిళ సినిమాలో బిగ్గెస్ట్ స్టార్ అయిన రజినీకాంత్ రాజకీయ రంగ ప్రవేశం గురించి చాన్నాళ్లుగా చర్చ జరుగుతోంది. ఆయన అడుగు పెట్టినట్లే పెట్టి వెనక్కి తగ్గారు. రజినీ తీరు చూస్తుంటే భవిష్యత్తులో అయినా రాజకీయాల్లోకి వస్తారో లేదో కచ్చితంగా చెప్పలేని పరిస్థితి. ఐతే రజినీ తర్వాత విపరీతమైన ఫ్యాన్ ఫాలోయింగ్ ఉన్న హీరోల్లో ఒకడైన అజిత్ త్వరలోనే రాజకీయ రంగప్రవేశం చేస్తాడని తమిళనాట ప్రస్తుతంగా గట్టిగా ప్రచారం జరుగుతోంది.
అజిత్ ను రాజకీయాల్లోకి రప్పించడానికి తీవ్రంగా ప్రయత్నిస్తున్న భారతీయ జనతా పార్టీ.. ఆ విషయంలో సక్సెస్ అయినట్లు చెబుతున్నారు. తమిళనాట ఎదగాలని ఎంతో కాలంగా ట్రై చేస్తున్న భాజపా.. ఇంతకుముందు రజినీ కోసం భాజపా గట్టి ప్రయత్నం చేసింది. కానీ ఆయన ఓకే చెప్పలేదు. దీంతో ఇప్పుడు ఫోకస్ అజిత్ మీదికి మళ్లించింది. కేంద్రంలో చాలా బలంగా ఉన్న ఈ పార్టీతో జట్టు కట్టడానికి అజిత్ కూడా సుముఖంగానే ఉన్నాడట. మరో స్టార్ హీరో విజయ్ కి - అజిత్ కి పడదన్న సంగతి తెలిసిందే. విజయ్ కూడా రాజకీయాల్లోకి వచ్చే ఉద్దేశంతో ఉన్నట్లు కనిపిస్తున్నాడు. ఎలాగూ తనకు రాజకీయ రంగ ప్రవేశం చేసే ఉద్దేశం ఉండటంతో.. తాను కాదంటే భాజపా విజయ్ దగ్గరికి వెళ్లే అవకాశముండటంతో అజిత్ ఆ పార్టీలో చేరడానికి గ్రీన్ సిగ్నల్ ఇచ్చినట్లు చెబుతున్నారు.
అజిత్ ను రాజకీయాల్లోకి రప్పించడానికి తీవ్రంగా ప్రయత్నిస్తున్న భారతీయ జనతా పార్టీ.. ఆ విషయంలో సక్సెస్ అయినట్లు చెబుతున్నారు. తమిళనాట ఎదగాలని ఎంతో కాలంగా ట్రై చేస్తున్న భాజపా.. ఇంతకుముందు రజినీ కోసం భాజపా గట్టి ప్రయత్నం చేసింది. కానీ ఆయన ఓకే చెప్పలేదు. దీంతో ఇప్పుడు ఫోకస్ అజిత్ మీదికి మళ్లించింది. కేంద్రంలో చాలా బలంగా ఉన్న ఈ పార్టీతో జట్టు కట్టడానికి అజిత్ కూడా సుముఖంగానే ఉన్నాడట. మరో స్టార్ హీరో విజయ్ కి - అజిత్ కి పడదన్న సంగతి తెలిసిందే. విజయ్ కూడా రాజకీయాల్లోకి వచ్చే ఉద్దేశంతో ఉన్నట్లు కనిపిస్తున్నాడు. ఎలాగూ తనకు రాజకీయ రంగ ప్రవేశం చేసే ఉద్దేశం ఉండటంతో.. తాను కాదంటే భాజపా విజయ్ దగ్గరికి వెళ్లే అవకాశముండటంతో అజిత్ ఆ పార్టీలో చేరడానికి గ్రీన్ సిగ్నల్ ఇచ్చినట్లు చెబుతున్నారు.