200 కోట్లు ఇస్తే ఆస్కార్ ఇప్పిస్తారా?: మంచు విష్ణు

ప్రస్తుతం రిలీజ్ కు సిద్దమవుతున్న ఆసక్తికరమైన ప్రాజెక్ట్‌లలో ఒకటైన కన్నప్ప సినిమా ప్రస్తుతం హాట్ టాపిక్‌గా మారింది. మంచు విష్ణు డ్రీమ్ ప్రాజెక్ట్‌గా రూపొందుతున్న ఈ చిత్రం తెలుగు ఇండస్ట్రీలో ఒక పాన్ ఇండియా లెవెల్‌లో రిలీజ్ చేయాలని చూస్తున్నారు. భారీ బడ్జెట్‌తో తెరకెక్కుతున్న ఈ సినిమాలో విష్ణు ప్రధాన పాత్రలో నటిస్తుండగా, ప్రభాస్, మోహన్‌లాల్, అక్షయ్ కుమార్ వంటి స్టార్ హీరోలు కీలక పాత్రలు పోషిస్తున్నారు. హై రేంజ్ గ్రాండ్ విజువల్స్‌తో తెరకెక్కిస్తున్న ఈ మైథలాజికల్ యాక్షన్ డ్రామా ఇప్పటికే మంచి హైప్‌ను క్రియేట్ చేసుకుందని మేకర్స్ చెబుతున్నారు.

అయితే ఇటీవల విడుదలైన కన్నప్ప టీజర్ కు ఓ వర్గం నుంచి మిక్స్‌డ్ రెస్పాన్స్‌ను తెచ్చుకున్నప్పటికీ, ముఖ్యంగా ఇతర భాషల్లో దీనికి సూపర్బ్ రెస్పాన్స్ వచ్చిందని మంచు విష్ణు క్లారిటీ ఇచ్చే ప్రయత్నం చేశారు. భారీ విజువల్స్, గ్రాండ్ సెట్‌పీస్‌లు ప్రేక్షకులను ఆకట్టుకోగా, మంచు విష్ణు పాత్రపై మంచి అంచనాలు ఏర్పడ్డాయి. టీజర్ విడుదల తర్వాత చిత్రబృందం ప్రమోషన్‌లో మరింత యాక్టివ్‌గా మారింది. విష్ణు తన సినిమా మీద పెట్టుకున్న డెడికేషన్‌ను ప్రతీ సందర్భంలో చెప్పుకొస్తున్నాడు.

అయితే తాజాగా మంచు విష్ణు చేసిన కొన్ని వ్యాఖ్యలు ఇప్పుడు వైరల్‌గా మారాయి. RRR ఆస్కార్ గెలిచిన తర్వాత కొన్ని విభాగాల్లో అవార్డులు కొంటే వచ్చేలా చూపించే ప్రచారంపై ఆయన ఘాటుగా స్పందించాడు. అలాగైతే రూ.200 కోట్లు ఇస్తే ఆస్కార్ ఇప్పిస్తారా? అని ఆయన ప్రశ్నిస్తూ, ఇది కేవలం ప్రతిభకు ఇచ్చే గౌరవం అని క్లారిటీ ఇచ్చారు.

కన్నప్ప టీజర్‌కు ఇతర భాషల్లో మంచి స్పందన వచ్చినా, తెలుగులో మాత్రం అనవసరమైన నెగటివిటీ ఎక్కువగా ఉందని ఆయన అసంతృప్తి వ్యక్తం చేశారు. ఏదైనా తప్పుంటే అన్ని భాషల్లోనూ అదే జరుగుతుందనీ, కానీ కొందరు తెలుగులోనే తప్పుడు ప్రచారం చేస్తున్నారని ఆయన అన్నారు. దీంతో ఈ వ్యాఖ్యలు చర్చకు దారి తీశాయి. ఓ భారీ పాన్ ఇండియా ప్రాజెక్ట్‌కి మాత్రమే కాదు, టాలీవుడ్‌కి చెందిన సినిమా అంటేనే కొందరు అప్రమత్తమై, తప్పుబట్టే ధోరణి చూపిస్తున్నారని ఆయన అభిప్రాయపడ్డారు.

ఇదిలా ఉంటే, కన్నప్ప సినిమాపై మంచి అంచనాలు ఉన్నాయి. విష్ణు ఈ సినిమాకు తన ప్రాణం పెట్టి పనిచేస్తున్నాడు. భారీ యాక్షన్ ఎపిసోడ్స్, ఎమోషనల్ డ్రామా, గ్రాండ్ విజువల్స్ అన్నీ కలిపి ప్రేక్షకులకు వేరే లెవెల్ అనుభూతిని అందించనున్నాయి. విడుదలైన లిరికల్ సాంగ్స్ ఇప్పటికే సినిమాపై ఆసక్తిని పెంచుతోంది. ఈ సినిమా ఏ భాషలోనైనా మంచి రీచ్ సాధిస్తుందనడంలో సందేహం లేదని మేకర్స్ నమ్మకంతో ఉన్నారు. మరి కన్నప్ప సినిమా ప్రేక్షకుల అంచనాలను ఏ స్థాయిలో అందుకుంటుందో చూడాలి.