అక్కినేని హీరో అరుదైన ఫీట్!!

సోషల్ మీడియా ఇప్పుడు చాలా విస్తృతం అయిపోయింది. సామాన్యులకే కాదు.. సెలబ్రిటీలకు స్టార్లకు కూడా సోషల్ మీడియా చాలా ఇంపార్టెంట్. తమ గురించి.. తమ సినిమాల గురించి అభిమానులతో నేరుగా పంచుకునేందుకు ఈ వేదికలోకి దాదాపు అందరూ ఎంట్రీ ఇచ్చేస్తున్నారు. సీనియర్లలో ఇంకా కొందరు ఎంట్రీ ఇవ్వకపోయినా.. అక్కినేని నాగార్జున మాత్రం ట్విట్టర్ లో దూసుకుపోతున్నారు.

ఆయనకు ఫాలోయింగ్ కూడా విపరీతంగానే ఉంటోంది. ప్రస్తుతం ట్విట్టర్ లో ఆయన ఫాలోయర్ల సంఖ్య ఎంతో తెలుసా? తాజాగానే 20 లక్షల మంది ఫాలోయర్ల మార్క్ ను అధిగమించారు నాగ్. ఈ ఫీట్ సాధించడం ద్వారా మహేష్ బాబు.. ఎస్ ఎస్ రాజమౌళి.. రామ్ గోపాల్ వర్మల వంటి వారి తర్వాత ఆ ఫీట్ అందుకున్న సెలబ్రిటీగా రికార్డు అందుకున్నారు. ట్విట్టర్ లో చాలా వేగంగా ఈయన 2 మిలియన్ల ఫాలోయిర్ల మార్కును అందుకోవడం విశేషం.

ఇక నాగ్ సినిమాల సంగతి చూస్తే.. ప్రస్తుతతం ఆయన ఓం నమో వెంకటేశాయ అంటూ కె రాఘవేంద్రరావు దర్శకత్వంలో భక్తిరస చిత్రాన్ని పూర్తి చేస్తున్నారు. ఈ నెల 8న ఆడియో ఫంక్షన్ జరిపి.. ఫిబ్రవరి మొదటివారంలో ఈ చిత్రాన్ని విడుదల చేయనున్నారు నాగార్జున.


Like Us on Facebook : https://www.facebook.com/Tupakidotcom/