మహిళ గ్యాంగ్ రేప్ కథ.. అమితాబ్ కంటతడి

అమితాబ్ బచ్చన్ వ్యాఖ్యాతగా నిర్వహిస్తున్న ‘కౌన్ బనేగా కరోడ్ పతి’లో విభిన్నమైన వ్యక్తులు.. విభిన్నమైన తమ వ్యక్తిగత జీవితాలను వెల్లడిస్తుంటారు. తాజాగా అలాంటి భావోద్వేగమైన ఘటన బిగ్ బి షోలో అందరికీ కంటతడి పెట్టించింది. కేబీసీలో ప్రసారమైన ఈ కథనం బిగ్ బి అమితాబ్ నే కాకుండా బాలీవుడ్ తారలను కూడా ఓ తెలుగు మహిళ విషాదగాథ కదిలించింది. అదిప్పుడు వైరల్ గా మారింది.

తెలుగు మహిళ - పద్మ భూషన్ సునీత కృష్ణన్ మానవ అక్రమ రవాణాను రక్షించే బాధ్యతలు చేపడుతూ సామాజిక కార్యకర్తగా వ్యవహరిస్తోంది. ఈ సందర్భంగా కేబీసీలో అమితాబ్ ముందుకు కంటెస్టెంట్ గా వచ్చింది. ఈ కార్యక్రమంలో పాల్గొన్న సునీత తన జీవితంలో జరిగిన గ్యాంగ్ రేప్ ను చెప్పి అమితాబ్ బచ్చన్ ను కంటతడి పెట్టించింది.

ఈ సందర్భంగా సునీత మాట్లాడుతూ తన యుక్త వయసులో ఆరుగురు వ్యక్తుల చేతిలో తాను గ్యాంగ్ రేప్ నకు గురయ్యాననే విషయాన్ని చెప్పి అంతటితో కంటతడి పెట్టించింది. అమితాబ్ ఈ మాటలను విని భావోద్వేగానికి గురయ్యాడు. ఇక తాను మహిళల బారిన పడకుండా ఎలా చర్యలు తీసుకుంటాననే విషయం బిగ్ బికి చెప్పినప్పుడు ఆయన కన్నీళ్లను ఆపుకోలేక ఏడ్చేశారు. ఇక ఓ సెక్స్ రాకెట్ లో మూడేళ్ల బిడ్డను - మరో యువతిని రక్షించిన సునీత విషయాన్ని కూడా విని బిగ్ బి ఎమోషనల్ అయ్యాడు.

ఇక ఈ ఎపిసోడ్ ను చూసిన బాలీవుడ్ తార అనుష్కశర్మ కూడా ఆవేదనకు గురైంది. ట్విట్టర్ లో ప్రస్తావించి షాక్ కు గురైంది. మూడేళ్ల చిన్నారి సెక్స్ ట్రాఫికింగ్ గురికావడం అత్యంత దయనీయం అని ఆమె ట్వీట్ చేశారు.