రోబో బ్యూటీ చేతికి మరో క్రేజీ మూవీ

అవకాశాలు అందిపుచ్చుకోవడంలో బ్రిటిష్ బ్యూటీ అమీ జాక్సన్ ట్యాలెంట్ సూపర్ గా ఉంటుంది. అయితే భారీ బడ్జెట్ మూవీస్.. లేకపోతే క్రేజీ కాంబినేషన్స్ అందుకుంటూ ఉంటుంది ఈ బ్రిటన్ అందం.

రోబో సీక్వెల్ గా శంకర్ దర్శకత్వంలో రూపొందుతున్న రజినీకాంత్ లేటెస్ట్ మూవీ 2.0 షూటింగ్ ను రీసెంట్ గా పూర్తి చేసింది అమీ. ఇప్పుడీ భామకు మరో తమిళ్ ప్రాజెక్టులో అవకాశం వచ్చింది. కాష్మోరా, ఇదార్కు తానే ఆసిపట్టై బలకుమార  వంటి చిత్రాలను తీసిన దర్శకుడు గోకుల్.. హీరో విజయ్ సేతుపతితో ఓ సినిమా తీయబోతున్నాడు. ఈ మూవీలో హీరోయిన్ గా నటించేందుకు అమీ జాక్సన్ ను సంప్రదించాడు దర్శకుడు. ఇంకా ఫైనల్ డెసిషన్.. అనౌన్స్ మెంట్స్ రాలేదు కానీ.. అమీ ఈ ప్రాజెక్టుపై ఇంట్రెస్టింగ్ గానే ఉంది.

ప్రస్తుతం త్రిషతో 96.. సమంతతో అనీతి కథైగళ్ చిత్రాలలో నటిస్తున్నాడు విజయ్ సేతుపతి. ఈ రెండు సినిమాలు పూర్తి కాగానే.. గోకుల్ డైరెక్షన్ లో మూవీ స్టార్ట్ చేస్తాడని తెలుస్తోంది. ఈ ఏడాది ద్వితీయార్ధంలో ఈ ప్రాజెక్టు ప్రారంభమయ్యే అవకాశాలు ఉన్నాయి.

Like Us on Facebook : https://www.facebook.com/Tupakidotcom/