టాలీవుడ్ టాప్ హీరోయిన్ అనుష్క స్థాయి హై లెవెల్‌లోనే ఉన్నా.. ప్రస్తుతం చేతిలో ఉన్న సినిమా భాగమమతి మాత్రమే. అన్ని వర్గాల ప్రేక్షకులకు నచ్చేలా సినిమాలు చేసిన స్వీటీ కెరీర్ లో.. ఎక్కువగా భారీ బడ్జెట్ సినిమాలు కనిపిస్తాయి. హీరోయిన్స్ కూడా బాక్సాఫీస్ రికార్డులను బద్దలు కొట్టగలరని నిరూపించి.. మళ్లీ ఫిమేల్ సెంట్రిక్ మూవీస్ కి ప్రాణం పోసింది స్వీటీ. గ్లామర్ నుంచి పెర్ఫామెన్స్ వరకూ ఏ పాత్రలో అయినా అందం అభినయం ఉండేలా చూసుకుంటూ.. సినిమా కోసం చాలా కష్టపడుతుందనే టాక్ తెచ్చుకుంది.
అయితే బాహుబలి సెకండ్ పార్ట్ తర్వాత అనుష్క నటించిన ఒక్క సినిమా కూడా రిలీజ్ కాలేదు. భారీ సైజ్ కారణంగా ఎక్కువ షూటింగుల్లో కూడా పాల్గొనడం లేదు. వచ్చిన ఆఫర్స్ లో కొన్నిటిని రిజెక్ట్ చేసిందనే టాక్ ఉంది. మరికొన్ని ఆఫర్స్ ని వెయిటింగ్ లిస్ట్ లో ఉన్నా.. బాహుబలి షూటింగ్ లో ఉన్నప్పుడే ప్రారంభమైన భాగమతి మూవీని మాత్రం పూర్తి చేసే పనిలో అనుష్క ఉంది. ఆ హిస్టారికల్ థ్రిల్లర్ కథని పిల్ల జమిందార్ దర్శకుడు అశోక్ తెరకెక్కిస్తున్నాడు. ఇప్పటికే దాదాపు షూటింగ్ ను పూర్తి చేసుకున్న భాగమతి ప్రస్తుతం విఎఫ్ఎక్స్ పనుల్లో బిజీగా ఉంది. ముంబై లో ఆ పనులను దగ్గరుండి చేయిస్తున్నాడట దర్శకుడు.
ఈ పనులన్నీ పూర్తి చేసుకుని.. త్వరలోనే హైదరాబాద్ కు వచ్చి రిలీజ్ డేట్ ను అనౌన్స్ చేసే ఆలోచనలో మూవీ యూనిట్ ఉన్నట్లు తెలుస్తోంది. వచ్చే సంక్రాంతికి భాగమతిని ఆడియన్స్ ముందుకు రావాలన్నది నిర్మాతల ఆలోచన అంటున్నారు. ఇప్పటివరకు కనీసం ఫస్ట్ లుక్ - పోస్టర్ లని రిలీజ్ చేయని పరిస్థితిలో.. రిలీజ్ డేట్ చెబితే జనాలు నమ్ముతారా అనే డౌట్ కూడా ఉందట. భాగమతి తెలుగు తమిళ్ భాషల్లో రూపొందుతుండడం విశేషం.