కోలీవుడ్ స్టార్ డైరెక్టర్ తో ప్రభాస్?

కోలీవుడ్ లో దర్శకులకు ఒక్క హిట్ అందితే చాలు స్టార్ హీరోలతో ఈజీగా ఛాన్స్ కొట్టేస్తారు. అంతే కాకుండా వారి పనితనం స్టార్ హీరోలను మెప్పిస్తే పిలిచి మరీ అవకాశాలను ఇస్తుంటారు. కోలీవుడ్ లో దర్శకులకు భారీ డిమాండ్ ఉంటుంది కూడా. ఇక అసలు విషయానికి వస్తే.. రాజా రాణి సినిమాతో తెలుగులోను మంచి గుర్తింపు తెచ్చుకున్న కోలీవుడ్ డైరెక్టర్ అట్లీ మెర్సల్ సినిమాతో హ్యాట్రిక్ విజయాన్ని అందుకున్నాడు. తెలుగులోను ఆ సినిమాకు మంచి టాక్ వచ్చింది.

ఇకపోతే నెక్స్ట్ మనోడు ఒక మంచి ఆఫర్ ని కొట్టేశాడని తెలుస్తోంది. నెక్స్ట్ ప్రభాస్ తో తీయాలని రెడీ అవుతున్నట్లు సమాచారం. మెర్సల్ షూటింగ్ సమయంలోనే అట్లీ ఈ విషయాన్ని చెప్పినా కూడా అప్పుడు బిజీగా ఉండడం వలన కుదరలేదు. ఇక ప్రభాస్ కూడా అప్పుడు బాహుబలి 2 సినిమాతో బిజీగా ఉన్నాడు. అయితే ఫైనల్ గా ప్రస్తుతం స్క్రిప్ట్ పనులు జరుగుతున్నాయి అని కోలీవుడ్లో గట్టిగా టాక్ వినిపిస్తోంది. ఎలాగైనా ప్రభాస్ తో నెక్స్ట్ ఇయర్ సినిమాను సెట్స్ పైకి తీసుకెళ్లాలి అని అట్లీ అనుకుంటున్నాడాట.

ప్రభాస్ ప్రస్తుతం సుజిత్ దర్శకత్వంలో సాహో సినిమాను చేస్తోన్న సంగతి తెలిసిందే. ఆ సినిమా పూర్తయ్యే వరకు రెబల్ స్టార్ మరో సినిమాని మొదలు పెట్టె అవకాశం లేదు. వచ్చే  ఏడాది రిలీజ్ అవుతుందా లేదా అనేది డౌటే. ఎందుకంటే షూటింగ్ ఆ స్పీడ్ లో జరుగుతుంది మరి. ఇక మెర్సల్ దర్శకుడు అప్పటిలోపు మరో హీరోతో వర్క్ చేయాలని అనుకుంటున్నాడు. మరి వీరిద్దరి కలయిక ఎప్పుడు సెట్ అవుతుందో చూడాలి.