వైరల్ అవుతున్న బాహుబలి చిన్నారి..!

ద‌ర్శ‌క‌ధీరుడు రాజ‌మౌళి తెరకెక్కించిన ఫస్ట్ పాన్ ఇండియా మూవీ బాహుబ‌లి. 2015లో విడుదలైన బాహుబలి మూవీ బాక్సాఫీస్‌ దగ్గర కనకవర్షం కురిపించిన సంగతి తెలిసిందే. తెలుగు సినిమా ఖ్యాతిని ప్రపంచవ్యాప్తంగా విస్తరించింది బాహుబలి సినిమా. ఈ సినిమాతో హీరో హీరోయిన్లకు ఎంత ఖ్యాతి లభించిందో.. అంతకు మించిన పేరును తెలుగు ఇండస్ట్రీకి తీసుకొచ్చింది సినిమా. ఈ సినిమాలో బాహుబలిగా ప్ర‌భాస్‌ ఎంత ఫేమ్ క్రేజ్ సొంతం చేసుకున్నాడో.. భ‌ళ్ళాలదేవుడుగా రానా కూడా అదే స్థాయిలో పాపులారిటీ దక్కించుకున్నాడు. ఇక దేవసేనగా అనుష్క, అవంతికగా తమన్నా, కట్టప్పగా సత్యరాజ్ లతో శివగామిగా ర‌మ్య‌కృష్ణ కూడా సినిమాకు ప్రత్యేక వన్నె తీసుకొచ్చారు. శివగామిగా రమ్యకృష్ణను తప్ప వేరే యాక్ట్రెస్ ను ఊహించుకోలేని విధంగా ఆమె ఒదిగిపోయింది.

అయితే బాహుబలి మొదటి పార్ట్ లో శివ‌గామి త‌న చేతిలో ఓ చిన్నారిని నీటిలో మున‌గ‌కుండా పైకి లేపి “మహేంద్ర బాహుబలి బ్రతకాలి" అంటూ తుదిశ్వాస విడిచిన సన్నివేశం అంత ఈజీగా ఎవరూ మర్చిపోలేరు. ఆ నెలల చిన్నారిని రెండు చేతులతో పైకి ఎత్తి పట్టుకుని నీటి ప్రవాహానికి ఎదురు వెళ్లే సీన్.. ఆ పసిబిడ్డను పైకి ఎత్తుకున్న పోస్టర్స్ అప్పట్లో సంచలనం సృష్టించాయి. అయితే ఆ చిన్నారిని చిన్న‌ప్ప‌టి ప్ర‌భాస్‌గా మ‌న‌కు చూపించచారు మేకర్స్. తాజాగా మరోసారి ఆ పాప ప్రస్తావన తెరమీదకి వచ్చింది. కానీ ఈసారి ఆ పాపే కెమెరా ముందుకొచ్చింది. ఆ చిన్నారి పేరు తన్వి. బాహుబలిలో నెల‌ల చిన్నారిగా చూపించ‌గా ఇప్పుడు తన్వి స్కూల్ వెళ్తుందట. ప్రస్తుతం యూకేజీ చదువుతోందని తెలుస్తుంది. అయితే ఆ పాప కనిపించడంతో కొందరు ఆమెతో ఫోటోస్ దిగుతూ సోషల్ మీడియాలో పోస్ట్ చేస్తున్నారు. ప్రస్తుతం ఆ పాప ఫోటోలు నెట్టింట తెగ వైరల్ అవుతున్నాయి.