వదినమ్మ మధులా మారిందే

ఇప్పుడంటే ఎంసిఎ సినిమాలో నాని వదినగా హోమ్లీగా ఉన్న భూమికను చూసి హమ్మయ్య మంచి క్యారెక్టర్ ఆర్టిస్ట్ మనకు దొరికేసారు అని సంబరపడుతున్నాం కాని ఓ పదిహేనేళ్ళు వెనక్కు వెళ్తే పవన్ కళ్యాణ్ ఖుషి సినిమాలో మధుగా అప్పటి కుర్రకారుకు నిద్ర లేకుండా చేసింది తనే. నడుము సీన్లో మధు చేసిన అల్లరి ఇప్పుడు చూసినా కనెక్ట్ కావడం ఖాయం. తెలుగులో దాదాపు స్టార్ హీరోలందరి సరసన చేసిన భూమిక పెళ్ళయ్యాక కొంత గ్యాప్ తీసుకుని మళ్ళి సెకండ్ ఇన్నింగ్స్ ఎంసిఎతో మొదలుపెట్టెసింది. తనవరకు నాని వదినగా ఎంత అవుట్ పుట్ ఇవ్వాలో అంతా ఇచ్చేసి మంచి మార్కులు కొట్టేసింది. కాని తనలో ఉన్న ఆకర్షణలో పెద్దగా మార్పు లేదే, అప్పటి లాగే ఉందే అనే కామెంట్స్ వినిపించాయి కాబోలు తన అభిమానుల కోసం ఒక రెడ్ హాట్ స్టిల్ ఒకటి షేర్ చేసుకుంది భూమిక.

దాచి దాయకుండా చూపిస్తున్న క్లీవేజ్ ని కొద్దిగా హై లైట్ చేస్తూ రెడ్ డ్రెస్ లో భూమిక ఇచ్చిన స్టిల్ చూస్తుంటే తన చర్మ సౌందర్య రహస్యం ఏమిటో తెలుసుకోవాలి అనిపించడం సహజం. అలా అని భూమిక హీరొయిన్ రోల్స్ టార్గెట్ చేయటం లేదు లేండి. నాగ చైత్యన్య సవ్యసాచి మూవీలో హీరో అక్కయ్యగా ఛాన్స్ కొట్టేసిన భూమిక కోసం మరికొన్ని క్రేజీ ఆఫర్స్ వెయిట్ చేస్తున్నాయి. ఒకప్పుడు స్నేహమంటే ఇదేరా సినిమాలో నాగార్జునకు జోడిగా నటించిన భూమిక ఇప్పుడు నాగ్ అబ్బాయి నాగ చైతన్యకు అక్కయ్యగా నటించడం విశేషమే. చందు మొండేటి దర్శకత్వం వహిస్తున్న ఈ షూటింగ్ లోనే భూమిక ప్రస్తుతం బిజీగా ఉంది. వదినమ్మగ రీ ఎంట్రీ ఇచ్చి అక్కయ్యగా ప్రమోషన్ కొట్టేసిన భూమికను ఇలా చక్కని పాత్రల్లో చూడాలని కోరుకుంటున్నారు అభిమానులు.