ప్ర‌భాస్ - మారుతి సినిమాకు బిగ్ డీల్‌.. కానీ?

పాన్ ఇండియా స్టార్ ప్ర‌భాస్ ప్ర‌స్తుతం మూడు క్రేజీ సినిమాల‌తో బిజీ బిజీగా గ‌డిపేస్తున్నాడు. ఇప్ప‌టికే బాలీవుడ్ డైరెక్ట‌ర్ తో క‌లిసి చేసిన తొలి మైథ‌లాజిక‌ల్ మూవీ `ఆదిపురుష్‌` షూటింగ్ పూర్తి కావ‌డం.. పోస్ట్ ప్రొడ‌క్ష‌న్ వ‌ర్క్ లో భాగంగా వీఎఫ్ ఎక్స్ వ‌ర్క్ జ‌రుగుతుండ‌టంతో ప్ర‌భాస్ త‌న దృష్టిని త‌దుప‌రి ప్రాజెక్ట్ ల‌పై మ‌ళ్లించాడు. ప్ర‌స్తుతం `కేజీఎఫ్` డైరెక్ట‌ర్ ప్ర‌శాంత్ నీల్ తెర‌కెక్కిస్తున్న‌ `స‌లార్‌` లో న‌టిస్తున్న ప్ర‌భాస్ ఈ మూవీతో పాటు `మ‌హాన‌టి` ఫేమ్ నాగ్ అశ్విన్ అత్యంత భారీ స్థాయిలో తెర‌పైకి తీసుకొస్తున్న పాన్ వ‌ర‌ల్డ్ మూవీలో న‌టిస్తున్నాడు.

టైమ్ ట్రావెల్ సైన్స్ ఫిక్ష‌న్ గా ఈ మూవీని స‌రికొత్త ప్ర‌పంచం నేప‌థ్యంలో హైలీ అడ్వాన్స్డ్ టెక్నాల‌జీతో దాదాపు రూ.500 కోట్ల భారీ బ‌డ్జెట్ తో వైజ‌యంతీ మూవీస్ అధినేత సి. అశ్వ‌నీద‌త్ నిర్మిస్తున్నారు. ప్ర‌స్తుతం ఈ మూవీ కూడా కీల‌క ఘ‌ట్టాల చిత్రీక‌ర‌ణలో వుంది. అమితాబ్ బ‌చ్చ‌న్ కీల‌క పాత్ర‌లో న‌టిస్తుండ‌గా దీపికా ప‌దుకోన్‌, దిషా ప‌టానీ హీరోయిన్ లుగా న‌టిస్తున్నారు. లెజెండ‌రీ డైరెక్ట‌ర్ సింగీతం శ్రీ‌నివాస‌రావు ఈ ప్రాజెక్ట్ కు మెంట‌ర్ గా వ్య‌వ‌హ‌రిస్తున్నారు.

ఇదిలా వుంటే ఫ్యాన్స్ ఎంత‌గా వ‌ద్ద‌ని వారిస్తున్నా.. నెట్టింట జోరుగా రిక్వెస్ట్ లు చేస్తున్నా స‌రే మారుతిపై న‌మ్మ‌కంతో ప్ర‌భాస్ ఓ హార‌ర్ థ్రిల్ల‌ర్ మూవీని కూడా చేస్తున్న విష‌యం తెలిసిందే. పీపుల్ మీడియా ఫ్యాక్ట‌రీ అత్యంత భారీ స్థాయిలో పాన్ ఇండియా మూవీగా ఈ ప్రాజెక్ట్ ని నిర్మిస్తోంది. ఫ్యాన్స్ అభ్యంత‌రాల నేప‌థ్యంలో ఈ మూవీని ఇటీవ‌ల సైటెంట్ గా మొద‌లు పెట్టారు. ప్ర‌స్తుతం ఫ‌స్ట్ షెడ్యూల్ పూర్తి చేసుకున్న ఈ మూవీ తాజాగా సెకండ్ షెడ్యూల్ లోకి ఎంట‌రైంది.

ఇందులో ప్ర‌భాస్ కు జోడీగా ముగ్గురు హీరోయిన్ లు న‌టిస్తున్నారు. మాళ‌విక మోహ‌న‌న్‌, నిధి అగ‌ర్వాల్, రిద్ది కుమార్ న‌టిస్తున్నారు. ప్ర‌స్తుతం నిధి అగ‌ర్వాల్ పై కీల‌క స‌న్నివేశాల‌ని చిత్రీక‌రిస్తున్నార‌ట‌. ఇదిలా వుంటే ఈ మూవీకి మైండ్ బ్లోయింగ్ ఆఫ‌ర్ ని ఓ ప్ర‌ముఖ ఓటీటీ ప్లాట్ ఫామ్ ఆఫ‌ర్ చేసింద‌ని తెలుస్తోంది. ప్ర‌భాస్ కున్న క్రేజ్ ని, పాన్ ఇండియా మూవీస్ లైన‌ప్ ని గ‌మ‌నించిన ప్ర‌ముఖ ఓటీటీ ప్లాట్ ఫామ్ మారుతి సినిమాకు భారీ ఆఫ‌ర్ ని ఆఫ‌ర్ చేసిన‌ట్టుగా తెలుస్తోంది.

అయితే ఓటీటీ వారు ఇచ్చిన ఆఫ‌ర్ ఈ మూవీని డైరెక్ట్ గా ఓటీటీలోనే రిలీజ్ చేయాల‌న్నార‌ట‌. దీనికి మేక‌ర్స్ మాత్రం ఈ ఆఫ‌ర్ నిఅంగీక‌రించ‌లేద‌ని, థియేట‌ర్ల‌లోనే రిలీజ్ చేస్తామ‌ని ఓటీటీ తేల్చి చెప్పేశార‌ట‌. అంతే కాకుండా ఈ మూవీకి ఫండింగ్ చేస్తున్న ప్ర‌ముఖ డిస్ట్రిబ్యూట‌ర్ కూడా ఇందుకు అంగీక‌రించ లేద‌ని ఇన్ సైడ్ టాక్‌.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.