శ్రుతిహ‌స‌న్ కైలీ జెన్న‌ర్ డూప్?

విశ్వ‌న‌టుడు క‌మ‌ల్ హాస‌న్ కుమార్తె .. టాప్ హీరోయిన్ శ్రుతిహాస‌న్ తో .. మిల్కీ వైట్ బ్యూటీ త‌మ‌న్నా స్నేహం గురించి తెలిసిందే. ఈ ఇద్ద‌రూ ఎక్క‌డ క‌లుసుకున్నా ఘాడంగా హ‌త్తుకుని, ముద్దులాడుకోవ‌డంపై ఇటీవ‌ల‌ నెటిజ‌నుల పాయింట్ ఆఫ్ వ్యూలో బోలెడ‌న్ని సెటైర్లు ప‌డ్డాయి. విమానాశ్ర‌యంలో పబ్లిక్ చూస్తుండ‌గా ఈ ఇద్ద‌రి యాక్టివిటీ ప్ర‌ముఖంగా చ‌ర్చ‌కు వ‌చ్చింది. అదంతా అటుంచితే.. మ‌రోసారి త‌మ‌న్నా ముంబైలో అడుగుపెట్టింది. ఈ సంద‌ర్భంగా త‌న స్నేహితురాలు శ్రుతిహాస‌న్ త‌న‌కు వెల్ కం చెప్ప‌డ‌మే కాదు.. త‌నతో పాటే ఓ ప్ర‌చార కార్య‌క్ర‌మంలో పాల్గొని స‌ర్ ప్రైజ్ ఇచ్చింది.

ఇంత‌కీ మిల్కీవైట్ బ్యూటీ ముంబైకి ఎందుకు వెళ్లిన‌ట్టు అంటే..  దానికి ఇంకా స‌మాధానం రావాల్సి ఉంది.  ఊహించ‌ని రీతిలో ముంబైలో త‌మ‌న్నాతో పాటు `ఎఫ్ 2` టీమ్ ప్ర‌త్య‌క్ష‌మ‌వ్వ‌డం ప‌లు సందేహాల‌కు తావిస్తోంది. త‌మ‌న్నాతో పాటుగా, అనీల్ రావిపూడి, మెహ్రీన్ ఫిర్జ‌దా ముంబైలో ప్ర‌త్య‌క్ష‌మ‌య్యారు. అంటే ఎఫ్ 2 చిత్రాన్ని అక్క‌డా ప్ర‌మోట్ చేస్తున్నారా?  లేక హిందీ డ‌బ్బింగ్, శాటిలైట్ రైట్స్ ప‌రంగా హైప్ తెస్తున్నారా? అన్న సందేహాలు క‌లిగాయి. హిందీ రైట్స్ రైట్ ఛాయిస్ గా మారిన వేళ 100కోట్ల క్ల‌బ్ సినిమా ఎఫ్ 2కి అంతే డిమాండ్ ఉంటుంద‌న‌డంలో సందేహం లేదు.

త‌మ‌న్నా - శ్రుతిహాస‌న్ & ఎఫ్ 2 టీమ్ కి సంబంధించిన కొన్ని ఫోటోలు, వీడియోల్ని ప్ర‌ఖ్యాత స్టిల్ ఫోటోగ్రాఫ‌ర్ వైర‌ల్ భ‌యానీ ఇన్ స్టాగ్ర‌మ్ లో పోస్ట్ చేశారు. ప్ర‌స్తుతం ఇవ‌న్నీ సామాజిక మాధ్య‌మాల్లో జోరుగా వైర‌ల్ అవుతున్నాయి. సౌత్ స్టార్స్ అంతా ఈరోజు ముంబైకి విచ్చేశారు. ఇదో కొత్త రికార్డ్‌! అంటూ వైర‌ల్ భ‌యానీ కామెంట్ ని పోస్ట్ చేశారు. ఇక‌పోతే ఈ గుంపులో ఉన్న శ్రుతిహాస‌న్ ని ఉద్ధేశించి కైలీ జెన్న‌ర్ డూప్లికేట్ వా? అంటూ ఓ నెటిజ‌న్ కామెంట్ ని పోస్ట్ చేయ‌డం ఆస‌క్తిక‌రం. శ్రుతి లుక్ ఏ హాలీవుడ్ స్టార్ కి తీసిపోద‌ని ఈ వీడియో చూస్తే అర్థ‌మ‌వుతుంది.

For Video Click Here