ఇంట్రెస్టింగ్ గాసిప్: బ్లాక్ బస్టర్ రీమేక్ లో చిరంజీవి - నాగార్జున..!

తెలుగు చిత్ర పరిశ్రమలో సీనియర్ స్టార్ హీరోలైన మెగాస్టార్ చిరంజీవి - 'కింగ్' అక్కినేని నాగార్జున మధ్య ఉండే సాన్నిహిత్యం గురించి ప్రత్యేకంగా చెప్పక్కర్లేదు. చిరు - నాగ్ ఇద్దరూ మంచి ఫ్రెండ్స్ గానే కాకుండా ఫ్యామిలీ మెంబర్స్ గా మెలుగుతుంటారు. వీరిద్దరూ కలిసి సినిమా చేయాలని అభిమానులు ఎప్పటి నుంచో కోరుకుంటున్నారు. అప్పట్లో దర్శకేంద్రుడు రాఘవేంద్రరావు ఇద్దరితో భారీ మల్టీస్టారర్ చేయడానికి ప్రయత్నాలు చేశారు కానీ వర్కౌట్ కాలేదు. ఈ క్రమంలో తాజాగా బ్లాక్ బస్టర్ 'విక్రమ్ వేద' రీమేక్ లో కలిసి నటించే అవకాశాలు ఉన్నాయంటూ ఇంట్రెస్టింగ్ గాసిప్ ఒకటి సోషల్ మీడియాలో సర్క్యులేట్ అవుతోంది.

మక్కల్ సెల్వన్ విజయ్ సేతుపతి - విలక్షణ నటుడు ఆర్.మాధవన్ ప్రధాన పాత్రలతో తెరకెక్కిన ''విక్రమ్ వేదా'' సినిమా తమిళనాట ఘన విజయం సాధించింది. పుష్కర్ - గాయత్రి దర్శకత్వం వహించిన ఈ చిత్రంలో పోలీస్ ఆఫీసర్‌ 'విక్రమ్' గా మాధవన్.. గ్యాంగ్‌ స్టర్‌ 'వేద' పాత్రలో విజయ్ సేతుపతి నటించారు. బాక్సాఫీస్ వద్ద రూ.100 కోట్లకు పైగా వసూలు చేసిన ఈ చిత్రాన్ని పలు భాషల్లో రీమేక్ చేయడానికి ఎప్పటి నుంచో సన్నాహాలు చేస్తున్నారు. తెలుగులో పవన్ కళ్యాణ్ - రవితేజ పేర్లు వినిపించాయి కానీ అధికారిక ప్రకటన ఇంతవరకు రాలేదు. ఈ క్రమంలో ఇప్పుడు 'విక్రమ్ వేద' తెలుగు రీమేక్ లో చిరు - నాగ్ కలిసి నటిస్తారని సోషల్ మీడియాలో వార్తలు వస్తున్నాయి. ఇది రూమర్ అయినప్పటికీ వినడానికి ఎంతో బాగుందని నెటిజన్స్ కామెంట్స్ చేస్తున్నారు. నిజానికి చిరంజీవి - నాగార్జున స్నేహితులు కాబట్టి ఈ బ్లాక్ బస్టర్ రీమేక్ లో నటిస్తే బాక్సాఫీస్ బద్దలవుతుందని అభిమానులు అభిప్రాయపడుతున్నారు.