మంత్రి కొడుకు మరో ప్రభాస్ అవుతాడా?

సినీ కుటుంబాల నుంచి వారసుల తాకిడి గత కొన్నేళ్లలో బాగా పెరిగిపోయింది. హీరోల కొడుకులే కాదు.. క్యారెక్టర్ ఆర్టిస్టులు.. టెక్నీషియన్ల కొడుకులు కూడా హీరోలు కావడానికే ఆసక్తి చూపిస్తున్నారు. కొంచెం ఫినాన్షియల్ బ్యాకప్ ఉంటే హీరోగా పాపులారిటీ సంపాదించేసి.. ఇండస్ట్రీలో వెలిగిపోదామని కుర్రాళ్లు ఆశపడుతున్నారు. ఈ క్రమంలో రాజకీయ నాయకుల వారసులు కూడా సినిమాల వైపు చూస్తుండటం ఆసక్తికరమే. ఆంధ్రప్రదేశ్ మంత్రి గంటా శ్రీనివాసరావు కొడుకు గంటా రవితేజ హీరో కావడానికి చాలా ఏళ్ల నుంచి సన్నాహాల్లో ఉన్నాడు. అతడిని సీనియర్ దర్శకుడు జయంత్.సి.పరాన్జీ హీరోగా పరిచయం చేస్తున్నాడు.

రవితేజ హీరోగా పరిచయం కాబోతున్న సినిమాకు ‘జయదేవ్’ అనే టైటిల్ నిర్ణయించిన సంగతి తెలిసిందే. ఈ సినిమా షూటింగ్ కూడా పూర్తయింది. మాళవిక అనే కొత్తమ్మాయి రవితేజ సరసన కథానాయికగా నటిస్తోంది. సీనియర్ నటుడు, నిర్మాత అశోక్ కుమార్ ఈ చిత్రాన్ని నిర్మిస్తుండటం విశేషం. ఇంతకుముందు ఆయన జయంత్ దర్శకత్వంలోనే ప్రభాస్‌ను హీరోగా పరిచయం చేశారు. ప్రభాస్ లాగే రవితేజ కూడా చాలా ప్రామిసింగ్ గా కనిపిస్తున్నాడని.. ఇతనూ పెద్ద హీరో అవుతాడని అశోక్ కుమార్ అంటున్నారు.

ఇక ‘జయసింహా’ కథాంశం విషయానికి వస్తే తమిళంలో సూపర్ హిట్టయిన ‘సేతుపతి’ చిత్రానికి రీమేక్. తమిళంలో విజయ్ సేతుపతి కథానాయకుడిగా నటించాడు. అతను చేసింది ఫెరోషియస్ పోలీసాఫీసర్ రోల్. నిజానికి అది ఎస్టాబ్లిష్డ్ హీరో చేయాల్సిన రోల్. అంత పవర్ ఫుల్‌గా ఉంటుందది. ఓ కొత్త హీరోతో.. అది కూడా సినీ నేపథ్యం లేని.. ఎలాంటి ఇమేజ్ లేకుండా హీరో అవుతున్న గంటా రవితేజ ఎలా చేశాడా అన్నది సందేహం. మరి జయంత్ అతడికి ఎలా ప్రెంజెంట్ చేశాడో చూడాలి.

Like Us on Facebook : https://www.facebook.com/Tupakidotcom/