నందమూరి హీరోకి మిస్టీరియస్ టైటిల్

సక్సెస్ తో సంబంధం లేకుండా హీరోగా తనకంటూ ప్రత్యేకమైన శైలిని అలవర్చుకున్న నందమూరి కళ్యాణ్ రామ్ కొత్త సినిమా పేరు 118గా ఫిక్స్ చేసారు. ఆ మేరకు ఫస్ట్ లుక్ అని చెప్పలేం కానీ టైటిల్ పోస్టర్ రిలీజ్ చేసారు. చివరిలో మెలికలు తిరిగిన ఎనిమిది అంకెలో కళ్యాణ్ రామ్ స్టైలిష్ గా నిలుచున్న స్టిల్ ని సెట్ చేసిన తీరు వెరైటీగా ఉంది. ఈ నెంబర్ తో పేరెందుకు పెట్టారు అనేది ప్రస్తుతానికి సస్పెన్స్.

సుప్రసిద్ధ ఛాయాగ్రాహకులు కెవి గుహన్ దీని ద్వారా తెలుగులో డైరెక్టర్ గా డెబ్యూ చేస్తున్నారు. దర్శకుడిగా ఈయన మొదటి సినిమా 2010లో తమిళ్ వచ్చిన ఇనిదు ఇనిదు. ప్రకాష్ రాజ్ నిర్మించిన ఈ సినిమా మన హ్యాపీ డేస్ రీమేక్. ఆ తర్వాత గుహన్ మళ్ళి డైరెక్షన్ చేయలేదు. ఊహించని అంశాలతో 118 ఉంటుందని టైటిల్ ఇలా పెట్టడానికి చాలా ప్రత్యేక కారణం ఉందని నిర్మాత మహేష్ కోనేరు చెబుతున్నారు. 118లో నివేదా థామస్ షాలిని పాండే హీరోయిన్లు. షూటింగ్ పూర్తి చేసుకుని ప్రస్తుతం పోస్ట్ ప్రొడక్షన్ లో బిజీగా ఉంది యూనిట్. పోస్టర్ లో జనవరి 2019 అని హింట్ ఇచ్చేసారు కాబట్టి మూడు లేదా నాలుగో వారం వచ్చే అవకాశాలు ఉన్నాయి.

శేఖర్ చంద్ర సంగీతం అందిస్తున్న ఈ మూవీ ఫస్ట్ లుక్ తో పాటు టీజర్ ని ఈ నెలలో విడుదల చేసే ఛాన్స్ ఉంది. ఈ ఏడాది ఎమ్మెల్యే కమర్షియల్ గా కొంత వర్క్ అవుట్ అయినా నా నువ్వే మాత్రం కళ్యాణ్ రామ్ ని బాగా నిరాశ పరిచింది. అందుకే ఈ 118 చాలా స్పెషల్ గా నిలుస్తుందనే నమ్మకంతో ఉన్నాడు. ఏ జానరో అర్థం కాకుండా పజిల్ లా ఇచ్చారు కాబట్టి టీజర్ వచ్చాక దీని గురించి క్లారిటీ రావొచ్చు