ఫోటో స్టోరి: శ్రీలీల అన్స్టాపబుల్ శారీ లుక్
ఈ ఎపిసోడ్‌లో త‌న‌తో పాటు నవీన్ పోలిశెట్టి కూడా పాల్గొన్నారు.
టాలీవుడ్‌లో బిజీయెస్ట్ హీరోయిన్ల‌లో ఒకరైన శ్రీలీల వ‌రుస ప్రాజెక్ట్‌లతో దూసుకుపోతోంది. అయితే త‌న బిజీ షెడ్యూళ్ల‌కు బ్రేక్ ఇచ్చి ఆహా టాక్ షో `అన్స్టాపబుల్ విత్ NBK`లో శ్రీలీల ప్రత్యేక అతిథిగా కనిపించింది. ఈ ఎపిసోడ్‌లో త‌న‌తో పాటు నవీన్ పోలిశెట్టి కూడా పాల్గొన్నారు. ప్రస్తుతం అన్ స్టాప‌బుల్ షో షూటింగ్ జరుగుతోంది.
షూటింగ్ స్పాట్ నుంచి బ‌య‌ట‌కు వ‌చ్చిన ఫోటోగ్రాఫ్స్ లో శ్రీలీల ఎర్ర చీర లుక్ ఆక‌ట్టుకుంది. ఈ తెలుగు భామ ఫ్యాష‌న్ సెన్స్ ఇప్పుడు హాట్ టాపిగ్గా మారింది. చోకర్, పొడవాటి చెవిపోగులు, కంకణాలతో శ్రీలీల అద్భుతంగా కనిపించింది. ఎంపిక చేసుకున్న ఎరుపు రంగు చీర‌కు త‌గ్గ‌ట్టే కాంబినేష‌న్ బ్లౌజ్ శ్రీలీల అందాన్ని మ‌రింత‌గా పెంచింది.
బాల‌య్య షోలో శ్రీలీల ప్రత్యేక ఆక‌ర్ష‌ణ‌గా కనిపించింది. బ్లాక్ బస్టర్ భగవంత్ కేసరిలో శ్రీలీల న‌ట‌సింహంతో క‌లిసి స్క్రీన్ షేర్ చేసుకున్న సంగ‌తి తెలిసిందే. ఇప్పుడిలా ఈ షోకి హాజ‌రు కావ‌డం ఎగ్జ‌యిట్ చేస్తోంది. నవీన్ - బాల‌కృష్ణ‌ల‌తో పాటు శ్రీలీల అప్పియ‌రెన్స్ ఎపిసోడ్ కి పెద్ద ప్ల‌స్ కానుంది. ఇప్ప‌టికే విడుద‌లైన ప్రోమో ఆక‌ట్టుకుంది.
శ్రీలీల ఇటీవ‌లే `పుష్ప- 2`లో `కిస్సిక్` లిరిక‌ల్ సాంగ్‌లో అద్భుతంగా కనిపించింది. ఈ పాటు 5కోట్లు పైగా వీక్ష‌ణ‌ల‌తో వైర‌ల్ గా దూసుకెళ్లింది. ఈ పాట‌లో న‌ర్తించినందుకు శ్రీలీల భారీ పారితోషికం అందుకుంద‌న్న టాక్ కూడా ఉంది. `ఊ అంటావా..` పాట కోసం స‌మంత‌కు 5కోట్లు ఆఫ‌ర్ చేయ‌గా, శ్రీ‌లీల‌కు కిస్సిక్ కోసం 2కోట్ల వ‌ర‌కూ పారితోషికంగా చెల్లించార‌ని గుస‌గుస‌లు వినిపిస్తున్నాయి.