రాజుగారితో బన్నీ.. లైన్ లోకి హై వోల్టేజ్ డైరెక్టర్

టాలీవుడ్‌లో క్రేజీ కాంబినేషన్ల గురించి ఎప్పుడూ ఆసక్తికరమైన చర్చలు జరుగుతూనే ఉంటాయి. ఇప్పుడు అలాంటి ఓ సంచలనమైన మిశ్రమం తెరపైకి వస్తోంది. అల్లు అర్జున్, ప్రశాంత్ నీల్ కాంబినేషన్ అంటే అంచనాలు మామూలుగా ఉండవు. ‘కేజీఎఫ్’ వంటి సంచలన హిట్ తర్వాత ప్రశాంత్ నీల్ స్టైల్‌కు కొత్త లెవెల్ వచ్చేసింది. అల్లు అర్జున్ కూడా ‘పుష్ప 2’తో దేశవ్యాప్తంగా క్రేజ్ సంపాదించుకున్నాడు. ఇప్పుడు ఈ ఇద్దరూ కలిసి ఓ మాస్ ఎంటర్టైనర్ చేయబోతున్నారని టాలీవుడ్‌లో బలమైన టాక్ నడుస్తోంది.

అసలీ ప్రాజెక్ట్‌కి దారితీసింది నిర్మాత దిల్ రాజు. గతంలో ప్రశాంత్ నీల్ SVC బ్యానర్‌లో ఓ సినిమా చేయాలని ఒప్పుకున్నా, అది ఇప్పటి వరకు రాబోలేదు. అయితే, ‘గేమ్ చేంజర్’ ప్రాజెక్ట్ దారుణమైన పరిస్థితుల్లో ఉన్న నేపథ్యంలో, అల్లు అర్జున్ దిల్ రాజుకు ఓ సినిమా చేయాలని మాటిచ్చినట్లు తెలుస్తోంది. దాంతో, ఈ ఇద్దరి కాంబినేషన్‌ను దిల్ రాజు ఓ సీరియస్ ప్రాజెక్ట్‌గా తీసుకున్నాడని, త్వరలోనే ముంబైలో వీరి భేటీ జరగనున్నట్లు ఇండస్ట్రీలో చర్చ జరుగుతోంది.

ఈ సినిమా ఎప్పుడు స్టార్ట్ అవుతుంది? అనేది ఇప్పుడు అందరిలో ఆసక్తికరమైన ప్రశ్న. ప్రస్తుతం బన్నీ లైనప్ లో అట్లీ దర్శకత్వంలో ఓ పాన్ ఇండియా ప్రాజెక్ట్ చేయనున్నాడు. అలాగే త్రివిక్రమ్ కూడా క్యూ లో ఉన్నాడు. ఇక మరోవైపు ప్రశాంత్ నీల్ కూడా ఎన్టీఆర్‌తో ఓ భారీ యాక్షన్ ఎంటర్టైనర్‌ను డైరెక్ట్ చేస్తున్నాడు. అనంతరం సలార్ 2 రావచ్చు. అదేకాదు, రామ్ చరణ్, యశ్, ప్రభాస్ లాంటి హీరోలతో కూడా కమీట్మెంట్లు ఉన్నాయన్న వార్తలు వినిపిస్తున్నాయి.

అంటే, ఈ కాంబో సినిమా త్వరలోనే స్టార్ట్ అయ్యే ఛాన్స్ తక్కువ. కానీ, ఇది ఒకసారి లైన్‌లోకి వస్తే ఇండియన్ సినిమా మొత్తానికి మునుపెన్నడూ లేని అంచనాలు పెంచే ప్రాజెక్ట్ అవుతుందనేది చెప్పవచ్చు. ప్రశాంత్ నీల్ టేకింగ్ గురించి ప్రత్యేకంగా చెప్పనక్కర్లేదు. ఆయన సినిమాల్లో యాక్షన్ ఎలా ఉంటుందో ‘కేజీఎఫ్’ చూసినవారికి బాగా తెలుసు. అల్లు అర్జున్ మాస్ స్టైల్‌కు, పవర్‌ఫుల్ స్క్రీన్ ప్రెజెన్స్‌కు ప్రశాంత్ నీల్ మార్క్ యాక్షన్ జోడిస్తే అది పెద్ద సెన్సేషన్ అవ్వడం ఖాయం.

పైగా, బన్నీ కెరీర్‌లో ఇలాంటి ఓ విభిన్నమైన మాస్ సినిమా ఇప్పటి వరకు రాలేదు. ‘పుష్ప’లో రఫ్ మాస్ లుక్ చూపించిన బన్నీ, ప్రశాంత్ నీల్ టేకింగ్‌తో ఇంకొంచెం రా యాక్షన్ స్టైల్‌లో కనిపించే అవకాశం ఉంది. ఈ ప్రాజెక్ట్‌కి భారీ బడ్జెట్ ప్లాన్ అవుతుందనేది లెక్కలేనిది. ‘కేజీఎఫ్’, ‘సలార్’లాంటి చిత్రాలను రూపొందించిన ప్రశాంత్ నీల్, ఇప్పుడు అల్లు అర్జున్‌తో అంతకు మించి ఓ భారీ సినిమా తీయాలని ప్లాన్ చేస్తున్నట్లు టాక్. ఈ కాంబో సెట్స్ పైకి వెళ్ళకముందే అంచనాలు అమాంతం పెరిగిపోతున్నాయి. పైగా, బాలీవుడ్ మార్కెట్‌లో బన్నీ క్రేజ్, ప్రశాంత్ నీల్ బ్రాండ్ కలిసి వస్తే పాన్ ఇండియా లెవెల్‌లో రికార్డుల వేట మొదలవ్వడం ఖాయం.