బన్నీ గుండెను పిండేసిన అభిమాని!
ఇక తెలుగు రాష్ట్రాల్లో బన్నీ డై హార్డ్ ఫ్యాన్ ఫాలోయింగ్ గురించి చెప్పాల్సిన ప‌నిలేదు.
పాన్ ఇండియాలో ఐకాన్ స్టార్ అల్లు అర్జున్ క్రేజ్ ఎలా ఉంద‌న్న‌ది చెప్పాల్సిన ప‌నిలేదు. పాట్నా, చెన్నై, కొచ్చి ఈవెంట్ల త‌ర్వాత అతడి ఫాలోయింగ్ పై పుల్ క్లారిటీ వ‌చ్చేసింది. తెలుగు రాష్ట్రాల్లో ఈవెంట్ నిర్వ‌హిస్తున్న‌ట్లే ఉంది. మొన్న‌టి పాట్నాని చూసి హైద‌రాబాద్, వైజాగ్ లో ఈవెంట్ చేస్తున్న‌ట్లే అనిపించింది. పాన్ ఇండియాలో అంత‌టి ఫాలోయింగ్ ఉన్న హీరోగా బన్నీ దూసుకుపోతున్నాడు. ఇక తెలుగు రాష్ట్రాల్లో బన్నీ డై హార్డ్ ఫ్యాన్ ఫాలోయింగ్ గురించి చెప్పాల్సిన ప‌నిలేదు.
బ‌న్నీని న‌టుడిగా ఎంత ఇష్ట‌ప‌డ‌తారో? అత‌ని వ్య‌క్తిత్వాన్ని మెచ్చి అభిమానించే వారెంతో మంది. ఎంతో పెద్ద స్టార్ అయినా ఎంతో డౌన్ టూ ఎర్త్ ఉంటాడు. అతడి మాట‌ల్లోనే బన్నీ సింప్లిసిటీ క‌నిపిస్తుంది. అందుకే బ‌న్నీని తెలుగు రాష్ట్రాల్లో న‌టుడిగా కంటే వ్య‌క్తిగ‌తంగా అభిమానిస్తుంటారు. తాజాగా ఓ దివ్యాంగుడు బ‌న్నీపై త‌న‌కున్న ప్రేమ‌ను చాటుకున్న విధానం చూస్తే మతిపోవాల్సిందే. చేతులు లేని ఆ అభిమాని త‌న కాళ్ల‌నే చేతులుగా మ‌లుచుకుని `పుష్ప-2`లోని బన్నీ జాతర ఫోటోని ఎంతో అద్భుతంగా వేసాడు.
ఇందుకు సంబంధించిన వీడియో నెట్టింట వైరల్ అవుతోంది. అభిమాని ట్విట్టర్ లో వీడియోను పోస్ట్ చేయడంతో పాటు బన్నీ సార్ దయచేసి నా కళను చూడాలని మీకోసం పుష్ప బొమ్మను గీశానని మిమ్మల్ని కలవాలన్న కోరిక ఉందని ఇట్లు ధీరజ్ సాత్విల్కర్ అని పేర్కొన్నారు. ఈ వీడియో సోషల్ మీడియా వేదికగా వైరల్ కావడంతో పాటు బన్నీ దృష్టికి వచ్చింది. `నా గుండెను టచ్ చేశావ్` అంటూ బన్నీ అతనికి సమాధానం ఇచ్చారు.
మ‌రి ఆ అభిమానిని బన్నీ నేరుగా క‌లుస్తారేమో చూడాలి. బన్నీ ఫ్యాన్స్ ధీరజ్ పై ప్రశంసల వర్షం కురిపిస్తున్నారు. అతడి అంతులేని అభిమానానికి అభిమానులు కూడా ఫిదా అవుతున్నారు. తామెవ్వ‌రూ చెయ్య‌లేక‌పోయింది నీవ్వు చేసావ్ ధీరజ్ గ్రేట్ అంటూ పొగుడుతున్నారు. నిజ‌మే క‌దా? బొమ్మ‌లు వేసే క‌ళ అన్న‌ది అంద‌రిలో ఉండ‌దు. కొంద‌రికే సొంతం. కానీ ధీరజ్ కి చేతులు లేక‌పోయినా? త‌న కాళ్ల‌నే చేతులుగా మ‌లుచుకోవ‌డం ఎంతో స్పూర్తిదాయ‌కమైంది.
బన్నీ పుష్ప ది రూల్ సినిమాతో సరికొత్త రికార్డులను క్రియేట్ చేయాలని ఫ్యాన్స్ ఫీలవుతున్నారు. `పుష్ప ది రూల్` ఫస్ట్ డే టికెట్ల కోసం ఊహించని స్థాయిలో పోటీ నెలకొంది. పుష్ప ది రూల్ కోసం బన్నీ ఏకంగా 300 కోట్ల రూపాయల రెమ్యునరేషన్ అందుకున్నారు.