ఈ దశాబ్దంలో ఇదే బెస్ట్ మూవీ

కరణ్ జోహార్ దర్శకత్వంలో రూపొందిన యే దిల్ హై ముష్కిల్ విడుదలకు మరో రెండు వారాలు మాత్రమే టైమ్ ఉంది. దీపావళి కానుకగా అక్టోబర్ 28న ఈచిత్రం ప్రేక్షకుల ముందుకు రానుంది. దాదాపు దశాబ్ద కాలం తర్వాత ఐశ్వర్యారాయ్ రొమాంటిక్ మూవీలో నటించడం.. తనకంటే పదేళ్లు చిన్నోడయిన కుర్ర హీరో రణబీర్ కపూర్ తో రొమాన్స్ చేయడం ఈ సినిమాపై అంచనాలను పెంచేస్తోంది. ఈ టైమ్ లో.. దర్శకుడు కరణ్ జోహార్ తన సినిమాను వదిలేసి వేరే స్టార్ హీరో మూవీకి ప్రచారం చేస్తున్నాడు.

మిస్టర్ పర్ఫెక్షనిస్ట్ అమీర్ ఖాన్ నటించిన దంగల్ మూవీ రిలీజ్ కి రెడీ అవుతోంది. డిసెంబర్ 23న క్రిస్మస్ స్పెషల్ గా విడుదల చేయనున్నారు. ఈ సినిమా స్పెషల్ షోను చూసిన కరణ్ జోహార్.. ముందుగానే రివ్యూ ఇచ్చేశాడు. 'జస్ట్ ఇప్పుడే దంగల్ చూశా. దశాబ్ద కాలంలో ఇంత మంచి సినిమా చూడలేదు. అసలు మాటలు రాలేదంతే' అంటున్నాడీ దర్శకుడు. రెజ్లర్ మహావీర్ సింగ్ ఫొగట్ జీవితంపై ఈ సినిమా రూపొందింది.

తన కూతుళ్ల బబితా కుమారి.. గీతా ఫొగట్ లకు ట్రైనింగ్ ఇచ్చి.. వారు 2010కామన్వెల్త్ గేమ్స్ లో స్వర్ణ-రజత పతకాలను గెలుచుకునే చేస్తాడు మహావీర్ సింగ్. ఈ పాత్రలో రెండు  వయసుల్లో కనిపంచడం కోసం.. తన శరీరాన్ని బాగా కష్టపెట్టుకున్నాడు అమీర్. పీకే లాంటి ఇండియాస్ బిగ్గెస్ట్ మూవీ తర్వాత మిస్టర్ పర్ఫెక్షనిస్ట్ నుంచి వస్తున్న మూవీ కావడంతో.. అంచనాలు ఎక్కువగానే ఉన్నాయి.

Like Us on Facebook : https://www.facebook.com/Tupakidotcom/