రెబల్ స్టార్ కృష్ణం రాజు లేకుంటే ప్రభాస్ లేడు. ఆయన వల్లే ప్రభాస్ హీరో అయ్యాడు. అదే సమయంలో ప్రభాస్ వల్ల కృష్ణం రాజు ఇమేజ్ పెరిగిందన్నదీ వాస్తవం. ఆయన వారసత్వాన్ని కొనసాగిస్తూ సినిమాల్లోకి అడుగుపెట్టిన ప్రభాస్.. హీరోగా ఆయన్ని మించి చాలా పెద్ద హీరోగా ఎదిగాడు. గొప్ప ఇమేజ్ సంపాదించాడు. ఐతే తన నట వారసుడిని హీరోగా సొంతంగా సినిమాలు తీయాలన్నది కృష్ణం రాజు కోరిక. కానీ ప్రభాస్ ఆయనకు దొరకట్లేదు. చాలా ఏళ్ల కిందట కృష్ణం రాజు నిర్మాణంలో ‘బిల్లా’ అనే ఒక సినిమా చేసిన ప్రభాస్.. ఆ తర్వాత ఆయనకు చిక్కలేదు. చాలా ఏళ్ల కిందట పెదనాన్నకు ఇచ్చిన కమిట్ మెంట్ లను ప్రభాస్ నెరవేర్చట్లేదు.
కానీ పెద్దాయన మాత్రం ప్రభాస్ తో తాను అనుకున్న సినిమాలు తీయాల్సిందే అన్న పట్టుదలతో ఉన్నాడు. ప్రభాస్ హీరోగా స్వీయ దర్శకత్వంలో ‘ఒక్క అడుగు’ అనే సినిమా తీయాలన్నది కృష్ణంరాజు ప్లాన్. ఇందుకోసం స్క్రిప్టు రెడీ చేసుకుని కూర్చున్నారు. దీని గురించి గత రెండు మూడేళ్లుగా చెబుతూనే వస్తున్నారు కృష్ణం రాజు. ఐతే ప్రభాస్ అభిమానులు మాత్రం ఆ విషయంలో పాజిటివ్ గా లేరు. ప్రభాస్ సైతం ఆ ప్రాజెక్టును ఎలాగోలా వాయిదా వేయిస్తూ వస్తున్నాడు. ఐతే ఇప్పుడు ‘ఒక్క అడుగు’ సంగతి పక్కన పెట్టేసి.. ‘భక్త కన్నప్ప’ రీమేక్ ను తెరమీదికి తెస్తున్నారు రెబల్ స్టార్.
ప్రభాస్ కు కూడా ఈ ప్రాజెక్టు మీద చాలా ఆసక్తి ఉందని.. ‘బాహుబలి’ తర్వాత బడ్జెట్ విషయంలోనూ భయాలు ఎగిరిపోయాయని.. తనికెళ్ల భరణి కన్నప్ప మీద సినిమా తీసినా తనకేం ఇబ్బంది లేదని.. మావాడు చేస్తే దాని లుక్కే వేరని.. మొన్న ఇంటర్వ్యూలో అన్నారు కృష్ణం రాజు. ప్రభాస్ బాహుబలి నుంచి బయటికి రాగానే ఈ సినిమాను సెట్స్ మీదికి తీసుకెళ్లిపోదామని చూస్తున్నారాయన. కానీ ఈ కాలంలో భక్త కన్నప్ప తరహా భక్తి చిత్రాలు ప్రభాస్ చేస్తే జనాలు చూస్తారా అని సందేహాలు వ్యక్తం చేస్తున్నారు అభిమానులు. కృష్ణం రాజుకు ఎన్ని కోరికలున్నప్పటికీ.. ప్రభాస్ కెరీర్ తో గేమ్స్ ఆడటం సరికాదని వాళ్లు అభిప్రాయపడుతున్నారు. ఇంతకీ ఈ ప్రాజెక్టు విషయంలో ప్రభాస్ ఆలోచన ఎలా ఉందో మరి.
కానీ పెద్దాయన మాత్రం ప్రభాస్ తో తాను అనుకున్న సినిమాలు తీయాల్సిందే అన్న పట్టుదలతో ఉన్నాడు. ప్రభాస్ హీరోగా స్వీయ దర్శకత్వంలో ‘ఒక్క అడుగు’ అనే సినిమా తీయాలన్నది కృష్ణంరాజు ప్లాన్. ఇందుకోసం స్క్రిప్టు రెడీ చేసుకుని కూర్చున్నారు. దీని గురించి గత రెండు మూడేళ్లుగా చెబుతూనే వస్తున్నారు కృష్ణం రాజు. ఐతే ప్రభాస్ అభిమానులు మాత్రం ఆ విషయంలో పాజిటివ్ గా లేరు. ప్రభాస్ సైతం ఆ ప్రాజెక్టును ఎలాగోలా వాయిదా వేయిస్తూ వస్తున్నాడు. ఐతే ఇప్పుడు ‘ఒక్క అడుగు’ సంగతి పక్కన పెట్టేసి.. ‘భక్త కన్నప్ప’ రీమేక్ ను తెరమీదికి తెస్తున్నారు రెబల్ స్టార్.
ప్రభాస్ కు కూడా ఈ ప్రాజెక్టు మీద చాలా ఆసక్తి ఉందని.. ‘బాహుబలి’ తర్వాత బడ్జెట్ విషయంలోనూ భయాలు ఎగిరిపోయాయని.. తనికెళ్ల భరణి కన్నప్ప మీద సినిమా తీసినా తనకేం ఇబ్బంది లేదని.. మావాడు చేస్తే దాని లుక్కే వేరని.. మొన్న ఇంటర్వ్యూలో అన్నారు కృష్ణం రాజు. ప్రభాస్ బాహుబలి నుంచి బయటికి రాగానే ఈ సినిమాను సెట్స్ మీదికి తీసుకెళ్లిపోదామని చూస్తున్నారాయన. కానీ ఈ కాలంలో భక్త కన్నప్ప తరహా భక్తి చిత్రాలు ప్రభాస్ చేస్తే జనాలు చూస్తారా అని సందేహాలు వ్యక్తం చేస్తున్నారు అభిమానులు. కృష్ణం రాజుకు ఎన్ని కోరికలున్నప్పటికీ.. ప్రభాస్ కెరీర్ తో గేమ్స్ ఆడటం సరికాదని వాళ్లు అభిప్రాయపడుతున్నారు. ఇంతకీ ఈ ప్రాజెక్టు విషయంలో ప్రభాస్ ఆలోచన ఎలా ఉందో మరి.